పుట:శిశుపాలవధము (గోపినాధ వెంకటకవి).pdf/237

ఉ.⁠

నీరధిమధ్యమందు మును నిద్దురవోయెడు ప్రోడయయ్యు నిం పార స్వసైన్యవార్థిగతుఁడై భువనత్రయరక్షణంబునన్ వారక జాగరూకుఁడయి భాసిలు నాదిమపూరుషుండు ల క్ష్మీరమణుండు జన్యజయశీలుఁడు మేల్కొనియుండె నత్తఱిన్.

⁠ 211

చ.⁠

అనువుగ నే మహాత్ముని సమంచితనామము నుచ్ఛరించినం తనె చిరకాలభుక్తభవదారుణపాపతమం బడంగు న వ్వనరుహపత్రలోచనుని స్వాపనబాణతమంబు గ్రమ్మునే? దినకరు నాక్రమించుటకుఁ దీవ్రవిశోత్థతమంబు చాలునే.

⁠ 212

సీ.⁠

అప్పుడు హరిచాక్షుసాద్భుతతేజంబు                         తపనతేజముభంగి విపులకౌస్తు భాదర్శమందు నొయ్యన సంక్రమించిన                         నందు దుర్వారసర్వాంధకార నిరసనక్షమ మైన నిరుపమధామంబు                         పొడమె నాలోకవిభుండు భాస్క రాబ్జనేత్రుఁడుగదా! యమ్మహామణిదామ                         నిచయంబు వికసితనేత్రసైన్య

⁠

గీ.⁠

సమితివలనన నావిలచారుదర్శ నంబు నట్లనె జ్ఞానంబు నపు డొసంగె భవ్యమతులప్రసాదంబు భక్తులందు బోలె దిశలందు వ్యాపించుఁ బొలుపు మీఱ.

⁠ 213

క.⁠

దిననాథుం డుదయించిన జనములు తెలి వొందినట్లు స్వాపనశరసం జనితతమము విడిచినఁ జ య్యన హరిసైన్యంబు లేచి యనికిఁ గడంగెన్.

⁠ 214

వ.⁠

ఇట్లు స్వాపనాస్త్రంబు న్యాయవాదంబునందు మిథ్యాభిశంస నంబునుంబలెఁ గౌస్తుభమణితేజంబున నిష్ఫలంటైన నాగాస్త్రంబు ప్రయోగించె నంత నయ్యస్త్రప్రభావంబునఁ గరాళవక్త్రంబులై దీర్ఘపృష్ఠంబులై కోఱలవలన నశ్రాంతంబు విషంబు గ్రక్కుచుఁ జంచలరసనాద్వయాస్వాదితోభయపార్క్వోష్ఠ ప్రాంతదేశంబులు

⁠