పుట:శిశుపాలవధము (గోపినాధ వెంకటకవి).pdf/236

⁠

మిక్కిలిఁబ్రకాశించె సమాచ్ఛాదితసూర్యమండలంబులైన శర సమూహంబులచేత గగనంబు నాచ్ఛాదించె నయ్యవసరంబున హరిచాపయష్టియందు బాణం బొక్కసారి విసృష్టయై పుంఖాను పుంఖత్వంబుచేత బాణసంధానమోక్షదుర్లభ్యత్వంబువలన ననేక బాణంబు లేకబాణంబుగాఁ గనుపట్టె.

⁠ 206

సీ.⁠

అతివేగరావంబు లతులపతత్రముల్                         కాంచనపింగళకాయకాంతు లగు దానవారిసాయకములు భయమూఢ                         కాకోదరంబులు గలుగునట్లు ధరణి భేదించి పాతాళతలము సొచ్చెఁ                         జేదీశుచే మున్ను చింత లేక పరమర్మభేదనపరుషవృషత్కంబు                         లపరాధములభంగి నచ్యుతునకు

⁠

గీ.⁠

దుఃఖ మొనరింపలేవయ్యెఁ దోడుతోడ నధికమాయుఁడు లయకాలమందు యోగ నిద్రితుం డగుశౌరికి నిద్ర గలుగఁ జేయుటకు స్వాపనాష్త్రంబు చెలఁగి యేసె.

⁠ 207

వ.⁠

ఇట్లు శిశుపాలుండు స్వాపనాస్త్రంబు ప్రయోగించిన భాస్కరుని నర్ధశూన్యసంజ్ఞ గలవానిఁగాఁ జేయుచు నిద్రాఘూర్ణితలోచనా రవిందంబులు గలుగునట్లుగా నమ్మహాస్త్రప్రభవాంధకారంబు హరినైన్యంబు నాచ్ఛాదించె.

⁠ 208

చ.⁠

అపుడు మహీపతుల్ నిజశరాసనమందు నిషణ్ణమూర్తులై విపులత నిద్రనొంది రది వింతయె మేల్కోనియుండు వేళలన్ విపులవిపద్వినాశకరవిశ్రుతచాపముపై నిషణ్ణులై నిపుణత నెప్డు నేమరక నిద్దురవోయెడు శూరకోటికిన్.

⁠ 209

గీ.⁠

శ్లథత నొంది వహనశక్తి లేని విపక్ష వరుల చేతిధనువు వదలిపడియె మొనసి యభ్యసించియును బ్రమాదంబున గళిత మైన విద్యకరణి నపుడు.

⁠ 210