పుట:శిశుపాలవధము (గోపినాధ వెంకటకవి).pdf/234

గీ.⁠

భూరితటిదుజ్జ్వలస్వర్ణపుంఖము లన యోసితముఖంబు లధికరయంబులును మ హాస్వనంబులు నైనశాతాంబకములు గగనభాగంబు ఘనములకరణి నొప్పె.

⁠ 199

గీ.⁠

ఘనకర్తరీసాయకములు శాతఫలాగ్ర                         నిర్భిన్నఘనగళన్నీరప్రస్ఫు టాతివేదన లగు నాశలనుండి త                         ద్దయుఁగాఱుబాష్పసంతతియుబోలె జక్రవాళంబు నాచ్ఛాదించె మఱియుఁ ద                         త్కాండముల్ గగనభాగమున కెగసి యినమండలంబు గప్పిన భూమిజనుల కా                         కసము గన్పడకుండె క్షణముసేపు

⁠

గీ.⁠

పరఁగ నబ్బంగి సాయకాంతరితకృష్ణ యగుటఁ జేసి వసుంధర యనిమిషులకు నొకక్షణము చూడఁబడకుండె యుద్ధమందుఁ జిత్రమై తోఁచెఁ జేదీశుచేతిబలువు.

⁠ 200

గీ.⁠

చైద్యుచే నప్పు డిబ్బంగి సకలశౌరి భీకరానీకమున కెండ సోఁకకుండ సాంద్రవిశిఖజాలైకవిశాలగృహము కరణి నత్యద్భుతంబుగాఁ గట్టబడియె.

⁠ 201

వ.⁠

అవ్విధంబున నప్పు డమ్మధుసూదనుని సైన్యంబు శిశుపాలకృత శరపంజరమధ్యంబునఁ బక్షిసంఘంబుకరణిం జిక్కి చలింపకున్నం జూచి యసహాయశూరుం డగుకృష్ణుండు పరిపంథివిగళతాపరి మితశరవర్షంటును నిజబాణంబులచేత వాదిప్రయుక్తానుమాన ప్రమాణంబు నితరంబులైన ప్రత్యనుమానప్రమాణంబులచేతఁ బ్రతివాదియుంబోలె నివారించె.

⁠ 202

శా.⁠

శ్రీకృష్ణుండు కపోణి నెత్తి కినుకన్ జేదీశు నీక్షించి వి ల్లాకర్ణాంతముగా వడిం దిగిచి ప్రత్యాలీఢపాదస్థుఁడై లోకాలోకగుహాముఖంబులు బదల్ మ్రోయంగ దిక్కుల్ నభం బాకంపింపఁగ మౌర్వివాద మటు బాహాశక్తిఁ గావింపుచున్.

⁠ 203