పుట:శిశుపాలవధము (గోపినాధ వెంకటకవి).pdf/227

గీ.⁠

గడిమి వీరుఁడొకండు సంగరసమాగ కారులందు శిలీముఖవ్యధము వలన రహి జపాసూనసమరాగరక్తసృతిని సాంద్రముగఁ గల్గఁ జేసె రోషంబువలన.

⁠ 162

గీ.⁠

రణము గావింపఁ గాంక్షించి రయము మెఱయ దూరమున నుండి వచ్చిన వారణముల రెంటి నడుమ గతాసులై పృథివిఁ గూలి నట్టి దంతి వరండక మట్లఞ యొప్పె.

⁠ 163

గీ.⁠

భూరిభేరిరేఖాభ్రాభ భారిభీర భార భూభార మత్తేభ భూరిపఙ్క్తి తోడఁ బ్రతినాగములు కొన్ని గూడుకొనియె నచ్చెరువు గాఁగ నమ్మహాహవమునందు.

⁠ 164

గీ.⁠

సమరగజములు భగ్నదంతములచేత నురుమదముచే విహస్తత నొంది నట్లు శాతకరవాలలూనహస్తములచేతఁ బొఁదు పడఁగ విహస్తత నొందవయ్యె.

⁠ 165

గీ.⁠

కరటిమదజలసిక్తసంగరతలంబు ఘనసరసిఁబోలెఁ బృథుకరాకర్షితోరు విలసితసహస్రపత్రముల్ గలుగునట్లు క్షోభ మొనరించె నప్పుడు గురుబలమున.

⁠ 166

సీ.⁠

సమరమందు గజంబు సాయకక్షతమౌట                         నవిషాదనిజయంతృసహితముగను మృతి నొంద నప్పుడు భృంగసంఘంబులు                         రుతమిషంబునఁ జాల రోదనంబు గావించి నట్లుండెఁ గాలుని తల్పంబు                         గతి నున్న సంగరక్షితితలమునఁ గరులు మత్కుణములకైవడిఁ గనుపట్టెఁ                         దేజస్వి యగునొక్కధీరవరుఁడు

⁠

గీ.⁠

శత్రుతోమరముల సవ్రణం బగుదేహ మర్థిఁ దాల్చి సంప్రహారమందు నధికసాహసమున నాహవం బొనరించి విబుధసామ్య మొందె విక్రమమున.

⁠ 167

వ.⁠

మఱియు నిర్భయచిత్తంబును భీతానందనాశనంబును దీప్యమా నంబును విజయసంలబ్ధసంపూర్ణకాములును మందోత్సాహ వివర్జితంబు నైన యమ్మహారణంబున భయంకరాసురభావంబు ధరించినవారయ్యును బరిపంథులచేత నభిముఖావస్థితులై పంచ

⁠