మఱియునొక్కగజారోహకుం డాలోచితం బైన మననంబున నన
పాయదేశంబునం దుండుటవలన నపాయంబు లేదని నిశ్చయించి
వంచకులవలన నతిప్రయత్నంబున రక్షింపుచు సాధనాంతర
నాశకాలయుక్తవినియోగం బగుటవలన నభీష్టంబైన గజంబు
నొండుచోటికిఁ దొలఁగఁదోలుకొనిపోయె మఱియు మదగంధ
బంధురసింధురంబులు పరస్పరకర్మవ్యతిహారంబువలనఁ బరస్పరో
ద్భేదంబు లైన కరాదిమదస్థానంబుల హస్తాగ్రంబులచేత స్పృశిం
పుచు నున్నతప్రహ్వీభూతవాలాగ్రంబులు నున్నమితమస్తకం
బులు నగుచు సువ్యక్తదంతనాదంబులు గలుగునట్లు యుద్ధంబు
గావింపుచుండె మఱియుఁ గొన్నిగజంబులు నతిదీర్ఘంబులును
బరస్పరసంఘట్టితంబులును సమాలంబితస్థైర్యంబులును నతి
ధవళంబులు నతిచారూదగ్రంబులు నతినిశితంబులు నగు
దంతంబులచేత సమాహతంబులగుచు రణంబు గావింపుచుండ
నప్పుడు దంతంబులు భగ్నంబు లైనను జలంబు డింపక తుండంబు
లొండొంటిం బెనుచుకొని యద్భుతంబుగా సంగ్రామంబు గావించె.
