పుట:శిశుపాలవధము (గోపినాధ వెంకటకవి).pdf/206

⁠

బైన తూర్యంబు వాయించుటయుఁ బవనావధూతపటంబులు నభ్రంకషంబులు నగుధ్వజంబు లీవలావల నుత్‌క్షిప్తంబు లగుటయు నిట్లు దంతిఘటలచేత శత్రువున కభిముఖంబుగా వచ్చు కృష్ణుని పురోభాగంబునఁ దనయంత మంగళంబు గావింపంబడియె నప్పుడు

⁠ 68

గీ.⁠

విడిచిపోయిన సేనానివేశభూమి శూన్యతను బొందదయ్యె నీక్షోణితలము మిగుల ఘనరససంప్లవం బగుచుచుండ మానుగఁ బయోధిసలిలవిహీన మగునె?

⁠ 69

సీ.⁠

హరి రవితోఁ గూడ నరుగ నిష్టము గల                         దాని నంతటఁ గ్రమ్ముదాని శత్రు బలరేణుమలినమై పరగెడుదాని దు                         స్తరజరన్మహిషవిశాలశృంగ ధూసరంబై మ్రోలఁ దోఁచు దిక్కును ధూమి                         తంబై నదానిచందాన జనము వీక్షించె నప్పు డిం పెసఁగ రణోద్యత                         వైరుల సైన్యానకారవంబు

⁠

గీ.⁠

పూని యెట్లు మనస్వులమానసము హ రించె నారీతి సముదితోదంచితోరు ప్రతినినద మైన యాత్మీయపటుమృదంగ సాంద్రవాదంబు హరియింపఁజాలదయ్యె.

⁠ 70

గీ.⁠

హరివరునిమ్రోల మ్రోయు సమగ్రపటహ రవము లంతంతకు సమీప మవుచునుండ శత్రుసేనావధూమణి సంభ్రమమున గాత్ర ముప్పొంగ డగ్గఱఁ గదియవచ్చె.

⁠ 71

చ.⁠

మిగుల సమీరణభ్రమితమేదినిరేణుకణాభిరూషితం బగుట నిరంతరోగ్రవిలయప్రవిభావితకాళికాకృతిన్ దగు ప్రతిపక్షసైన్యసముదగ్రసమున్నతకేతనాళి మె ప్పుగఁ గననయ్యె నభ్రమున భూరిచలత్పటునిస్వనంబునన్.

⁠ 72

సీ.⁠

ప్రతిముఖతిగ్మాంశు ప్రతిఫలితోగ్రధీ                         ధితులచే నధికప్రదీప్తమండ లాగ్రపంక్తులచేత నతిదుఃఖకరదర్శ                         నంబయ్యుఁ జైద్యుసైన్యంబు శౌరి సైనికులకు భీతిసంపాదకం బయ్యు                         నంతలోన మనోజ్ఞ మగుచుఁ దోఁచె సమవిషమప్రదేశములందుఁ దుల్యసం                         చారంబుగల భూరిసైన్యజలధి

⁠

గీ.⁠

గగనమార్గంబునందు శీఘ్రమునఁ దిరుగు సాంద్రతరమేఘమండలచ్ఛాయపగిది

⁠