పుట:శిశుపాలవధము (గోపినాధ వెంకటకవి).pdf/203

⁠

స్థిరతరవారిబిందువులచే ఘనవైరవిభిన్నగాత్రజ స్ఫురదురు రక్తసక్తుఁడగు పోలికనొప్పె గవేషణుం డొగిన్.

⁠ 57

చ.⁠

చటులతరాధికోపవిలసచ్చినిపాదతలాభితాడన స్ఫుటితభవన్మహీవివరపుంజవితీర్ణబిలంబు లై జనో త్కటకరముల్ రసాతలము తప్పక సొచ్చి యొకింత తాపసం కటము నెఱుంగనట్టి యురగంబులకుం గలిగించెఁ దాపమున్.

⁠ 58

ఉ.⁠

మానుగ సారణోర్విపతి మాటికిఁ గోపవశంబునన్ శిరో ధూనన మాచరింప శిఖితుల్యతదగ్రసువర్ణసత్కిరీ టానుగతోరురత్నరుచు లాజికి నేగెడు రాజరాజికిన్ జానుగ భవ్యదీపము లొసంగినభంగిఁ జెలంగె నయ్యెడన్.

⁠ 59

చ.⁠

విశతబృహద్భుజాలతుఁడు వీరవరుండు విదూరథాఖ్య భూ పతి యొకమాటఁ జెప్పుటకు వారక విచ్చిన దౌటఁ జంచలో న్నతరసవాగ్రమైన లవనస్ఫుటకందర మొప్పె భోగిసం యుతవనవృక్షకోటరము నొప్పున నప్పుడు భీకరాకృతిన్.

⁠ 60

గీ.⁠

శాత్రవోక్తుల నిట్లు తత్సదన మపుడు క్షోభ మొందుచునుండ ముకుందమాన సంబు గలఁగదు వారిదజలముచేతఁ గంధిజల మించుకైనను గలఁగనట్లు.

⁠ 61

గీ.⁠

పరులు నిందించుటయుఁ దన్ను బ్రస్తుతించు కొనుట ఖలులకు భువి నైజ మని తలంచి యుద్ధవుఁడు కోప మూనకయుండె నతని ముఖము స్మితయుక్తమై చంద్రు బోలి యుండె.

⁠ 62

వ.⁠

ఇట్లు ప్రకటితప్రకోపులైన యాదవులచేత శిశుపాలప్రేషిత వచోహారకుండు నిరాకృతుండై మెల్లనం జనిన యనంతరంబ దుస్సహస్వనభయానకంబులైన యానకంబులుగల హరిబలంబు తత్క్షణంబ యుద్ధసన్నద్ధం బయ్యె యదునరేంద్రులు కవచధార ణంబు న్యాయంబని యనేకవారంబులు భగ్నప్రతిపక్షాయుధం బులును బరాక్రమానుగతప్రకర్షవంతంబులు నద్రికటకనిర్భ రంబులు నసంత్యక్తశౌర్యదంశనంబులు నగుశరీరంబులయందు

⁠