జేసి స్వజనబంధుండైన శిశుపాలునకుఁ బత్నియైన రుక్మిణి నపహ
రించుటవలనఁ బరిత్యక్తధర్మార్థుండవై కేవల కామమాత్ర
నిష్ఠుండవు పరదారాపహారకుండవు బంధుద్రోహివి రాజ
ద్రోహి వైతి విది పరమసాహసికత్వంబు నీ వజ్ఞాతరూపవిశేషుం
డవు సర్వగతుండవు పరభృతపక్షకాంతి వట్టి నీకుఁ దిమిరంబు
నకుంబోలెఁ జైద్యుండు సూర్యుండునుండోలె వినాశకరుండగు
నట్లుగాకుండ నేనైన సాంత్వవాక్యంబుల మహాక్షుభితుండైన
శిశుపాలునకుఁ గోపోపశమనంబుఁ జేసి నీయం దనుగ్రహంబు
గలుగునట్లు చేసెదనంటినేని వేల నతిక్రమించి వెల్లి విరిసివచ్చు
సముద్రప్రవాహంబును జగత్కృతజలనిర్గమమార్గం బేమి
సేయంగలదు యుద్ధంబు కొఱకు యాదవసహితంబుగా ని
న్నాహ్వానంబు సేయుట కేను చైద్యునిచేఁ బ్రేషితుండనై వచ్చిన
వాఁడ మహావీర్యులగు మహీపతులు పరులయందుఁ బాటచ్చరుల
కరణిఁ గపటంబుచేత నపకారంబు గావింప రమ్మహీపతి రణార్థియై
మహానదీప్రవాహంబుభంగి వచ్చుచున్నవాఁడు నీవు తీరగత
వృక్షవృత్తి నాశ్రయింపక వేతనవృత్తి నాశ్రయించి నిన్ను
రక్షించుకొనుము.
