పుట:శిశుపాలవధము (గోపినాధ వెంకటకవి).pdf/190

శిశుపాలవధ మహాకావ్యము

చతుర్థాశ్వాసము

క.⁠

శ్రీరుక్మిణీశచరణాం భోరుహపూజావిధేయ! భూరిగుణాలం కారరసకావ్యనాటక సారవిశారద! నమస్తజననుతచరితా!

⁠ 1

వ.⁠

అవధరింపు మవ్వలికథ యెట్లనిన నిత్తెఱంగున వసుమతీపరివృఢు లందఱు సేనాసన్నాహంబు గావించిన యనంతరంబ దమఘోష నందనుండైన శిశుపాలునిచేతఁ బ్రస్థాపితుండై సమయసముచి తోత్తరస్ఫురణశక్తిమంతుండైన యొక్కదూత సభాసదనం బున నాసీనుండైన హరియొద్దకుం జనుదెంచి ప్రియాప్రియ రూపార్థాభిదాయకంబైన వాక్యంబున నిట్లనియె.

⁠ 2

చ.⁠

అరుదుగ మున్ను నీ వచట నర్ఘపరిగ్రహణంబు సేయ న త్తఱి శిశుపాలుఁడెంతయును దాదృశవిప్రియముల్ వచించి క్ర మ్మర ననుతాపముం గలిగి మానుగఁ దా నరుదెంచి రోషసం భరితుని నిన్ను శాంతుడఁయి మన్నన సేయఁదలంచె నెమ్మదిన్.

⁠ 3

చ.⁠

స్థిరమతి నున్మనస్కుఁడగు చేదిమహీశుఁడు సత్వరంబుగా నఱమఱఁ బోవఁబెట్టి ప్రచురాధిగతాంగసుఖుండవైన నిన్ జిరవిపులోరునిగ్రహముచేఁ దగనిర్దయపీడనంబు దా నురువడిఁ జేసి సమ్మదము నొందునుగాక నితాంత మచ్యుతా!

⁠ 4