పుట:శిశుపాలవధము (గోపినాధ వెంకటకవి).pdf/187

గీ.⁠

యున్న పరిజనస్రవితబాష్పోద మయ్యు నోజ నిశ్చలస్వాంతభటీజనంబు చిత్తమునఁ గాతరత్వంబుఁ జెందకుండె నవని మర్తుకాములకు భయంబు గలదె?

⁠ 299

వ.⁠

మఱియు నొక్కయువతి బతిదర్శనంబు మఱలం గలుగుట యతి దుర్లభం బని యెఱింగి యతృప్తచిత్త యగుచు రణంబునకు జను విభుండు దృష్టిపథం బతిక్రమించు నందాఁక విలోకింపుచుండె మఱి యొక్కయంగన యిప్పుడె యక్షతుండవై సంగ్రామం బుననుండి చనుదెమ్మని స్నేహయుక్తంబుగా భర్త నుద్దేశించి జేసినయాశీర్వాదం బప్పుడె విగళద్భాష్ప యైనయవ్వనిత యశ్రు పూర్ణనేత్రద్వయంబుచేతఁ బ్రత్యాఖ్యాతం బయ్యె నొక్కవనిత రజఃకీర్ణయై భిన్నవక్త్రేందులక్ష్మియై దివంబు ననుకరించె మఱి కొందఱు యువతులు దిశలుంబోలె వీతశోభలై యుద్భ్రాంత సత్త్వలై యంతర్దాహంబు ధరించిరి మఱియుఁ గొందఱంగనలు వాతసమూహఁబులుంబోలెఁ బ్రతిదిశయందుఁ బరిభ్రమించిరి మఱియుఁ గొందఱు వరాంగనలు భూమియుంబోలెఁ గంపంబు నొంది రిట్లు మహీపతుల సంగ్రామప్రయాణంబునందుఁ గాంతలు భావికాలాశుభంబు పూర్వంబుననె సూచింపంజేసిరి.

⁠ 300

మ.⁠

క్షితికన్యాగిరిజాశచీసదృశలక్ష్మీనర్సమాంబాసము న్నతగర్భోజలశుక్తిమౌక్తికమణీ! నానావనీపాలసం స్తుతచారిత్ర! మహాప్రబంధకథికాస్తోకప్రభావోదయా! శతమన్యుప్రతిమానశౌర్యవిలసత్సౌందర్యపంచాంబకా!

⁠ 301

క.⁠

బలవైరిగర్వభంజన! లలనాజనచిత్తచోర! లక్ష్మీరమణా! జలజాతపత్రలోచన! కలియుగగోపాలకృష్ణ! కంసవిదారీ!

⁠ 302