మఱియు నీవు సర్వమహీపతులచేత నవధూతుండ వయ్యును
క్షణకాలం బుశ్రాంతకరతలధృతస్వల్పశైలుండ వగుచు
మహీతలంబునందుఁ దులితమహీధరుం డని పలుకం బడితి విదియు
ధన్యత్వం బింతియెకాని మాయట్టి బలవదరాతి తోలనంబు
వలనఁ గలిగినది కాదు పాపాచారపరుండ వగుటం జేసి దుర్బుద్ధి
వైననీవు ఫలకాలంబునందు దారుణంబైన నరకంబును జయింపం
జాలక నరకవిజయి యను ప్రసిద్ధికొఱకు భూపుత్రుండైన
నరకుని జయించితి విది లోకప్రతారణమాత్రపరంబె గాని
పరలోకశ్రద్ధ గాదు నీవు గుణహీనుండవు సకలదోషరాశి యైన
యీ నీశరీరంబు సకలశౌర్యాదిగుణవర్జితం బగుచునుండ
సత్వాదిగుణత్రయపరిత్యాగప్రయాసంబును వ్యర్థంబుగా నేల
యధిగమించెదవు నీ వసమీక్ష్యకారివి నిరస్తగుణుండ వైన
నీయందుఁ బరిహాసకరంబైన యీపూజనం బపగతకేశం బయిన
శిరంబునందుఁ గంకతికయుం బోలె మిక్కిలి యసంగతంబై
యున్నదని కృష్ణుని నిందించి పదంపడి యచ్చట నున్నరాజుల
నందఱం జూచి వారలకు రోషోత్పాదనంబు సేయుచు నిట్లనియె.
