నా యెఱింగినంతఁ జెప్పెద. స్నాతకుండును గురువు నిష్టబం
ధుండును యాజకుండును జామాతాదిసంబంధిజనంబును ధార్మి
కుండైన భూపతియు నీ యాఱ్వురు పూజార్హు లగుదురని పెద్ద
లగువారు పలుకుదు రిప్పు డీ యాఱ్వు రిచ్చటనె కూడియున్న
వారు. ప్రతాపవంతులును మంత్రశక్తివినివారితాపరులును
బరలోకశత్రుజనజయశీలురునగు బ్రహ్మముఖంబునఁ బుట్టిన
బ్రాహ్మణులును రాజులును నీయజ్ఞంబు నలంకరింపుచున్నవారు
గుణాఢ్యులైన పూర్వోక్తస్నాతకాదులు వేఱ్వేఱ నకృత్రిమం
బైన సత్కారంబు నధిగమించుటకు యోగ్యులైనను నతిగుణ
వంతుఁడైన వాఁ డియ్యాఱ్వురలో నగ్రపూజార్హుం డగు టది
విధిసమ్మతం బట్టివాఁ డియ్యాఱ్వురలోన నెవ్వండని యడిగితివేని
చెప్పెద సర్వగుణబంధుండును సర్వపూర్వదేవవినాశకరుండు
నగు శ్రీకృష్ణుండు ప్రథమపూజ కర్హుం డని నామనంబునకుఁ
దోచుచున్న దది యెట్లనిన వినుము.
