పుట:శిశుపాలవధము (గోపినాధ వెంకటకవి).pdf/170

⁠

మను వచనంబు దాతముఖమందున యాచకవక్త్రమందుఁ దా వినఁబడదయ్యె నవ్విభుని విత్తవిసర్జనమందు నెంతయున్.

⁠ 208

సీ.⁠

వందిమాగధసూతవైణికవాంశిక                         వాదుల కర్హసంభావనంబు బధిరాంధమూకుల కధికధనంబును                         భోజనార్థుల కిష్టభోజనంబు నామయార్తులకు దివ్యరసాయనంబును                         బ్రసవించుసతులకుఁ బథ్యములును బీదసాదలకును బెంపుగా విత్తంబు                         గణికాదులకును బుష్కలధనంబు

⁠

గీ.⁠

నడిగి యడగకమున్నె తా నరసియరసి చాల నిప్పించి యందఱ సత్కరించె నాగతజనంబులం దొక్కఁ డైనఁగాని కష్టపడకుండ నందఱు తుష్టు లైరి.

⁠ 209

సీ.⁠

బహువిధసంస్కృతప్రాకృతంబులఁ గృత                         పాత్రసంకరములు భావసిద్ధి సహితంబులైన భోజనములచే నాట                         కములచేఁ బోలె నఖండరసము ననుభవించి జనంబు ననుపమానందంబు                         భరియించె నిబ్భంగిఁ బార్థివుండు నమ్మహారాజసూయాధ్వరమందు దు                         ష్టాత్ముల శిక్షించునట్టి హరిని

⁠

గీ.⁠

రక్షకునిఁ జేసి సంతత మక్షతంబు లైన దానంబు హోమంబు యజనములును గడమవడకుండ దోషంబు స్ఖలనములును గలుగకుండ నిర్వర్తించెఁ గౌతుకమున.

⁠ 210

గీ.⁠

జగతి యాజుల కెల్ల నీశౌరి యొకఁడె సత్సఖుండని తెలిపెడు సరణిదేవ యజనభూమి చషాలతుల్యాంగుళీయ యూపమంగుళినట్ల సొంపొంద దాల్చె.

⁠ 211

ఆ.⁠

ధర్మతనయుఁ డిట్లు తత్క్రతువంతయు సాంగముగ నొనర్చి యర్ఘదాన మెవరి కిత్తు ననుచు నింపుతో నడిగిన సభ వినంగఁ బలికె శాంతనవుఁడు.

⁠ 212

వ.⁠

నరేంద్రా! గుణదోషకోవిదుండవైన నీవు కర్తవ్యకార్యంబు లందుఁ బరోపదేశావేక్ష లేకయె నీయంత నీవె యెఱుంగుదు వైనను గురుని యనుమతి వడసి కాని కార్యంబు సేయకుండు టది సదాచారపరిపాటి గావున న న్నడుగుట కది కారణంబు

⁠