మఱియు నమ్మహాయజ్ఞకర్మంబునం దూహాకుశలులగు ప్రయో
క్తలు వేదంబునందుఁ బ్రథమాదిసకలసుబంతవిభక్తులచేతను
దిగంతవిభక్తులచేతను లింగంబులచేతను శీఘ్రనిగదితంబు గాని
కర్మాంతవేదవాక్యంబును బలుకుచు సందేహోత్పాదనంబు
కొఱకు సాదృశ్యంబు ధరించినవియుఁ బ్రకృతికర్మత్వంబు నుద్దే
శించి యత్యంతవిలక్షణఫలప్రదంబులు నగు సమాసంబులు
ప్రసక్తంబు లగుచుండ శబ్దశాస్త్రవిదులగు ఋత్విజులు తత్తత్స
మాసవిహితస్వరవశంబుచేత నీస్వరంబు నీసమాసంబు నీవిగ్రహం
బని యన్యతరపక్షావధారణంబు గావించిరి. ప్రకాశమానంబైన
లోలజ్వాలారసనాశతప్రభామండలంబుచేత హసింపుచున్నవాని
యట్లున్న పావకుండు వషట్కారంబుచేత వ్యక్తంబైన పరిశుద్ధ
ప్రభూతాజ్యంబు పెక్కుమాఱ్లు నాస్వాదించె.
