| గీ. |
సదనరత్నభిత్తికలందు సంక్రమించి
నట్టి ప్రతిబింబములయందు నగ్రభాగ
మందు నెదురుగాఁ జనుదెంచు నతివ లపుడు
సుఖులకు ముదం బొసంగిరి సురుచిరముగ.
| 163
|
| చ. |
అరుదుగ నెందు నూత్నహరితాశ్మవినిర్మితవేశ్మపంక్తులన్
హరితతృణంబులంచు నమితాస్యములై రసనాగ్రలగ్నభా
సురకిరణాంకరంబు లగుచున్ గబళంబు గ్రసింపుచున్నవై
ఖరిఁ గనుపట్టు పెంచినమృగంబులఁ జూచె జనంబు సొంపుగన్.
| 164
|
| గీ. |
అరయ నెద్దానిచెంగట నాలవాల
భృతజలాదర్శబింబితపృథుతరాత్మ
తనువుచే సపలాశసంతతి సమూల
సంతతిని జూచినట్లుండె క్ష్మారుహములు.
| 165
|
| గీ. |
మఱియు నురగేంద్రమూర్ధజమణిసమీప
మందు ముహురున్నతాంభోధరారవముల
చేతఁ దత్ప్రాంగఁణోర్వు లుద్భూతవాల
వాయజమణిస్థలాంకురచ్ఛాయ నలరె.
| 166
|
| చ. |
అలవుగ నెందు గూఢసలిలాశయముం గని ధార్తరాష్ట్రుఁడున్
స్థలమను భ్రాంతిచేత డిగి తత్సలిలార్ద్రశరీరుఁడైన నిం
పలరఁగ వాయునందనుఁడు హాసముఁ చేసినఁ దద్రవంబునన్
గలగిరి రాజులెల్ల లయకాలము వచ్చె నటంచు భీతులై.
| 167
|
| గీ. |
మఱియు నెచట నిశితకరవాలకోమల
స్ఫురితశక్రనీలభూములందుఁ
దెలుపువారులేక జలమను భ్రాంతిచే
మొలపటంబు జనులు ముడిచికొనిరి.
| 168
|
| చ. |
అపు డమలాంశుపుంజరుచిరాంగులు నేత్రసుఖప్రదుల్ రమా
ధిపయమజుల్ రథంబుల నతిప్రియులై సభకున్ ముఖంబుగా
విపులరుచుల్ శశాంకుఁడు కవిప్రవరుం డుదయాద్రినుండి మీం
టిపయికి నుద్గమించుటకు డిగ్గినకైవడి డిగ్గిరింపుగన్.
| 169
|
ఇట్లు రథావతరణంబుఁ జేసి మాధవుండు ధర్మనందనుండు మార్గం
బుఁ జూపుచు నగ్రభాగంబునం బోవుచుండఁ బ్రభాపటలవ్యాప్తిచేత
నదృశ్యరత్నమయకుడ్యంబై బహురత్నప్రభాపుంజంబుచేత నవి
