పుట:శిశుపాలవధము (గోపినాధ వెంకటకవి).pdf/156

చ.⁠

అలఘుతరోడు పాండురుచియౌటఁ గళిందసుతాహ్రదోపరి స్థలగతహంసమండలము చాడ్పున నొప్పెడు నాతపత్రమున్ బలరిపునందనుం డపుడు పట్టెఁ దమాలసుమాభవర్ణుఁ డై యలరు యదుప్రవీరునకు నంచితభంగి ముదం బెలర్పగన్.

⁠ 135

ఉ.⁠

మారుతపుత్ర శక్రసుత మధ్యమునం జెలువారు చక్రి సొం పారఁగ భాస్కరేతరగ్రహాంతరవాససమార్జితంబు నై హారిరుచిస్ఫురద్ధురుధురాభిధ మొంది వెలుంగు పూర్ణకం జారివిధంబునన్ వెలసె నక్షులకుం గడువిం దొనర్చుచున్.

⁠ 136

చ.⁠

యమనియమంబులున్ యతినయంబున యంబుజనాధినాథునిన్ గ్రమమునఁ బద్మబాంధవుఁడు గంధవహుండు జిగీషునింబలెన్ బ్రమద మెలర్ప మాధవునిపార్శ్వములందును బృష్ఠభాగమం దమలినభక్తిమైఁ జనిరి యశ్విసుతుల్ రచితానుసారులై.

⁠ 137

చ.⁠

అకపటసంభ్రమప్రకటితాధికభక్తులు భూరిసమ్మదా త్మకు లవినీతశిక్షకుల మానుషచర్యులు పాండురాజపు త్రకు లసురారిపైన వితథంబగు భక్తి నొనర్చి రప్పు డొ ద్దికపడి శిష్యవర్యు లుపదేష్టపయింబలె నంచితంబుగన్.

⁠ 138

వ.⁠

ఇ ట్లుభయసైన్యంబులు గంగాయమునాప్రవాహంబులుంబోలె నొండొంటిం గూడుకొని యన్యోన్యమైత్రిం బ్రకటింపుచు నేకగ్రీ వంబుగాఁ జనియె నప్పుడు ప్రతివాదితాంబరవిమానంబులు గలుగు నట్లుగా మంగళదుందుభులు మ్రోసె నంత దనుజాంతకుండు యుధిష్ఠిరమఖావలోకనకౌతుకాతిరేకంబున సర్వదేశంబులనుండి చనుదెంచిన మహీపతులసైన్యంబులచేతఁ బురబాహ్యదేశంబు లయందు నిర్మితంబులైన నికేతనంబులచేతను వైరిసేనావరుధ్య మానంబై వైరిసేనావేష్ట్యమానం బైనదానిపోలిక నొప్పుచున్న

⁠