మఱియుఁ బాణితలాంగసంఘట్టనపరిత్యాజితోద్వేగం బగుటం
జేసి ప్రకాశమానశరీరంబులగు జాత్యశ్వంబుల నాశ్వికులు సంద
ర్శనలాఘవోత్పతనకర్ములై పల్యాణకోట్యవలగ్నముఖరజ్జుసహి
తైకహస్తు లగుచు నారోహించిరి ఉపరిభాగస్థితుఁడైన నిషాది
దూరపథంబు వోవుటకు శీఘ్రంబున నెంతలోన దూరమార్గగమ
నౌపయికంబైన యాసనవిశేషంబు రచింపకుండె నంతలోనఁ
దీవ్రంబున లేచి దుస్సహవేగంబు లగుచుఁ గరభంబులు విశృం
ఖలత్వంబునం బరువెత్తె; సుఖగమనాకాంక్షియు సుసారథియు
నైన యొక్కరథి గండోజ్జ్వలయు నుజ్జ్వలన్నాభిచక్రప్రత్య
గ్రోదరశ్రీవిరాజితయు నవిధురయులైన శకటిని యువతిం
బోలె సన్నద్ధంబు గావించె శీఘ్రంబున లేచిపోవం గమకించునట్టి
రవణంబు పురోభాగంబున బలాత్కారంబుగా నిగృహీతంబై
భారయుక్తయంత్రకంబు నిక్షిప్యమాణం బగుచుండ నత్యంత
భారంబున నర్ధోద్గారస్వజగ్ధిపిచుమందాదిగ్రాసంబున విషమ
స్వరం బగుచు నిజనామంబు సార్ధకంబు గావించె.
