పుట:శిశుపాలవధము (గోపినాధ వెంకటకవి).pdf/138

⁠

గాఢాలింగనంబు గావించి శిథిలీకృతాంగుండై ప్రయాణంబున కామంత్రణంబు ప్రార్థించిన నప్పు డయ్యువతి వక్షోజయుగ్మంబు పరిగళితప్రత్యగ్రస్తూలమౌక్తికభాష్పాంబుబిందువులు గలుగు నట్లుగా రోదనంబు గావించినట్లుండె; మఱియు నొక్కముగ్ధాంగన పగటియందు నిజవయస్యలచేత విదితం బైన రాత్రికాలస్వచేష్టితం బంతయు మదమూఢనైన యేను ప్రియునిమ్రోల ననేకప్రకా రంబుల నొడివితిఁ బ్రౌఢకాంతవలెఁ బ్రియుని ప్రియవచనంబుల నాలించితి నెంత వెఱ్ఱినైతినని లజ్జానమ్రవదనయై యుండె నప్పుడు.

⁠ 36

చ.⁠

అనుపమరక్తపంకజదళావళిముగ్ధకరాగ్రపాద యై ఘనతరచంచరీకచయకజ్జలపూర్ణనవోత్పలాక్షి యై వినుతపతత్రిరావముల వేమొఱపెట్టుచుఁ బూర్వసంధ్య చ య్యన నటురాత్రి వెంటఁ జనె నప్పుడు బాలకుమారిచాడ్పునన్.

⁠ 37

వ.⁠

మఱియు నాహితాగ్నుల ప్రతిగృహంబులందు నక్షతజ్యోతి యైనయాహవనీయంబు శాస్త్రోక్తప్రకారంబున యథాయోగం బుగాఁ బఠితస్వరంబులు గల యధ్వర్యుప్రభృతి ఋత్విగ్వరులచేతఁ బ్రవోవాజాద్యగ్నిసమింధనీఋక్కులను బఠించి కృతగురుదురితౌ ఘవిధ్వంసనం బగునట్లు దేవతోద్దేశంబునం ద్యక్తంబైన హవిశ్శేషం బాస్వాదితం బయ్యె మఱియుఁ బ్రక్రాంతజపకర్ములైన తపస్వి జనంబుల యోష్ఠప్రభవంబులైన యుపూపధ్మానీయవర్ణంబుల చేత నావృతంబై పదంపడి నిరోష్ఠ్యవర్ణంబులచేత దర్శనీయం బగుటం జేసి యుద్గతాంశురదనం బైన ముఖంబు ప్రతిక్షణంబు నందును ఘటితవిఘటితంబైన సుందరముక్తాఫలకోశసామ్యంబు నధిగమించె; మఱియును.

⁠ 38

గీ.⁠

వజ్రిదిశయందు నవహేమవర్ణభాను దీప్తిపుంజంబు జలధి భేదించివచ్చు కృతజగద్దాహసరంభవితతమైన బాడబానలశిఖభంగిఁ జూడనయ్యె.

⁠ 39