పుట:శిశుపాలవధము (గోపినాధ వెంకటకవి).pdf/127

సీ.⁠

పతికరాగ్రము నీవిబంధంబు రయమున                         లంఘించి యూరుమూలము స్పృశింప నతిసుఖపారవశ్యమున నర్ధనిమీలితాక్షియై                         యొకతన్వి యంచితముగ రక్తవైణికహతరంజితాధరతంత్రి                         మండలక్వణితసమానచారు మణితంబు గావించె మధురంబుగా రతి                         గళనిస్వనంబులు గలుగు నటుల

⁠

గీ.⁠

నాయతాంగుళిపతికరం బధికకార్శ్య శాలియగు నాతి మధ్యదేశంబునందుఁ జూడ నతిరిక్తమై పృథుశ్రోణియందు నఖిలపాణితలస్పర్శ మై తనర్చె.

⁠ 312

గీ.⁠

సక్థి సంస్పర్శతృష్ణాతిశయముచేతఁ జలితనిజహస్తులైన కాంతులనఖములు కదళకాండోపమానోరుపదములందు నిపుణముగఁ జారురేఖలు నించె నపుడు.

⁠ 313

గీ.⁠

సక్థి మూలవిలోలలోచనునిఁ బ్రియుని రమణి కర్ణావతంసపుష్పముల వ్రేసె వ్రేయ నవి మేనఁబడి రతివిభున కపుడు ప్రసవశరుఁ డనుపేరు సార్ధకముఁ జేసె.

⁠ 314

సీ.⁠

రాజాస్య లుద్వృత్తరతిరాగయుత లయ్యు                         రమణులయందు ధైర్యంబుఁ జేసి రంగంబు ప్రియులకు నర్పించియును జాల                         వక్రత్వ మొనరించి రాక్రమమునఁ బటుతరసురతసంబంధిధార్ష్ట్యము గల                         వారయ్యు వ్రీఢభావంబు గనిరి గరిమరాగాదు లాగంతుకంబులును ధై                         ర్యాదులు సహజంబు లంగనలకు

⁠

గీ.⁠

వనిత యనిరోధితప్రియవాంఛ గలుగు నట్లు పాణినివారణం బాచరించెఁ దవిలి పరిహాసగర్భభర్త్సనము జేసెఁ గపటరుదితంబుఁ జేసె సుఖంబునందు.

⁠ 315

ఆ.⁠

సిగ్గుచేత నీర్ష్యచేత నిషేధోక్తిఁ బలుక కూరకున్న బాలికలకుఁ బతులు సేయుక్రీడ ప్రతికూల మనుకూల మయ్యెఁ గష్టసుఖద మగుటవలన.

⁠ 316

ఆ.⁠

సురతవేళ సతుల కరయ భర్తలయందు ధార్ష్ట్య మబలలందు దయితతముల కదయతయును గల్గు నివిరెం డితరకాల మందు వైపరీత్య మొందియుండు.

⁠ 317