సవతి చూచుచుండ నొక్కయువతి కుచయుగంబుచేత
వాడి మెఱసి పతియురంబు పీడ సేయుచుండ గాంచి
దళితమైన సవతిహృదయ మెలమిఁ దన్మయత్వ మొందె;
గలితదీపితస్మరుండు గలుగునట్లు పతియురంబు
విడువ కటు పరిష్వజింపఁబడుచునుండ నురువులైన
తొయ్యలుల కుచంబు లొందవయ్యెను పరిమండలతను;
బాగుమీఱఁ దమ్ముఁ బ్రీతిఁ గౌఁగిలించు పతులహృదయ
మదుఁ జొరఁదలంచి రపుడు మందయాన లధికప్రేమ
నెంత వెఱ్ఱులైరి యహహ! సంతతంబుఁ గోరి పతుల
స్వాంతమున వసించియుండు టింతు లెఱుఁగరైరి మదిని;
బరగఁ బ్రేమవలనఁ బ్రియుఁడు కఱవు దీఱఁ గౌఁగిలింపు
చున్నవాఁడు గాన సతుల సన్నతాంగ మపుడు చాల
స్నేహపూర్ణ మగుచు లోన మోహ మతిశయించి ద్రవత
నొందె నందువలన సతుల యందమైన మేనిచేత
వసనము ద్రవింపఁజేసి పొసఁగ కొక్కదృష్టి నించె
రంగు మీఱ నిష్టభర్తృసంగమోత్థవిపులహర్ష
మంతరంగమందు నిలువ కెంతపైకి నిర్గమించి
వికసనంబు నొంది లోమనికర మెల్ల నిండి చెలఁగెఁ
బతికరప్రసారణమున నతిశయముగ నంగజాత
