పుట:శివతత్వసారము.pdf/130

క.⁠

కలనైన నొండు దైవము గలదనియెడు పలుకుదక్కి కలఁడొక్కఁడ కే వల శివుఁడె దైవమని ని శ్చలభక్తి శివైక్యుఁ డుండు సంతతము శివా!

⁠ 146

క.⁠

పరువడిన "యోన్యదైవ స్మరణ సకృ" త్తనఁగ నన్యసంస్కరణము నం దిరువదియెనిమిది గోటులు నరకంబులఁ బొం దనాథనాథ! మహేశా!

⁠ 147

క.⁠

కర్తయని నిన్ను నెఱిఁగినఁ గర్తింపఁడు వెండి తన్నుఁ గార్యాకార్యా వర్తనల గర్త నేనని కర్త ప్రధానుండు గాన ఘనభక్తుఁ డజా!

⁠ 148

క.⁠

వ్యక్తముగ లింగతనుఁ డను యుక్తి యెఱుంగుటకుఁ జాల నుత్కృష్ట మగున్ భక్తైకతనుఁడు శివుఁ డను యుక్తి యెఱుంగుట సమస్తయోగానందా!

⁠ 149

క.⁠

భక్తి కనుదేహభావ వ్యక్తుడవని నిన్ను నమ్మి వదలక భక్తిన్ భక్తులు నీవని కొలిచిన భుక్తియు ముక్తియును బడయఁ బోలు మహేశా!

⁠ 150

క.⁠

శివుఁడు పరిపూర్ణుఁడను మది శివభక్తులు జూచి యతివిశేషప్రీతిన్ వివిధసపర్యలఁ దనిపిన నవశ్యమును దానఁ బ్రీతి యగు నీకు శివా!

⁠ 151