పుట:శాసనపద్యమంజరి (మొదటిభాగం).pdf/73

47

శ. స. 1085

(ఈశాసనము గుంటూరుమండలములో నరసారావుపేటతాలూకా చేజెర్లగ్రామమందు శ్రీకపోతేశ్వరస్వామిగుడిలో నొకఱాతిస్తంభముమీఁద చెక్కఁబడియున్నది. South Indian Inscriptions Vol. VI. No. 598.)

సీ.⁠

స్వస్తి శతాబ్దములు శరగజదిక్సంఖ్య             విదితసుభాను[1]సంవత్సరమున పౌష్యమాసంబున బహులపంచాదశి             నమరేంద్రగురువాసరమునం బరగి యతిశయం బగునుత్తరాయనసంక్రాన్తి             నఖలలోకేశ్వరుం డనంగ నొప్పి నాలుగువేలును నన్నూటనలువది             నాల్గులింగంబులనడుమ నెలసి సిద్ధవంద్యుం డైనచేంజెఱువులకపో తీశ్వరునకు భక్తి శాశ్వతముగ మనుమకులుండైన తాడూరిఘనుండు మార మాంబకేతం డఖణ్డదీపంబు నిలిపె[2].

⁠

—————

1. "వరలుస్వభాను" అని యుండవలయును.
2. ఈయెత్తుగీతిలో మొదటివి రెండు నాటవెలఁదిపాదములు, చివరవి రెండును దేటగీతపాదములు.