10
శకునశాస్త్రము
క. నాసిక ముట్టిన వ్యాధియు
వాసిగ దిగ్విజయమగును | వామశ్మశ్రుల్
మోసము దావలి మీసము
శ్రీసతి పతి మెడను శుభము | శిఖినరసింహా.25
తా. ఓ లక్ష్మీనరసింహస్వామి! దూత ముక్కు తాకినరోగమును,
ఎడమమీసము ముట్టినచో దిగ్విజయమును కుడిమీసము ముట్టినచో
మోసమును, మెడ తాఁకిన శుభమును కలుగును.
క.గడ్డంబు కార్యహానియు
దొడ్డ ఫలంబురము నంట | దుదిఁగుడిచంటన్,
బడ్డన నామయమగు బహు
చెడ్డది గద యెడమ చంట ! శిఖినరసింహా. 26
తా. ఓ నరసింహస్వామి ! దూత గడ్డమును స్పృశించిన
కార్యహానియు, ఱొమ్ము స్పృశించిన మేలును, కుడిచన్ను తాఁకిన
శుభమును, ఎడమచన్ను తాకిన కీడును కలుగును.
క .కడు పంటిన సంతోషము
నడు మంటిన రోగమగును | నయమగు శుభమున్
కుడిచేతి కడను ముట్టినఁ
జెడుగగు [1] శేఫంబుముట్ట ! శిఖినరసింహా,27
తా. ఓ నరసింహస్వామీ! దూత కడుపు తాకిన సంతోష
మును, నడుమునంటిన రోగమును, కుడిచేతిచివర నంటిన శుభమును,
పురుషాంగమును తాఁకిన కీడును కలుగును.
- ↑ పురుషము = పాఠాంతరము జెడు శేఫము ముటనేని పా ||