వ్రత రత్నాకరము
32
మేధతే.
14. తన్మే వద మహాదేవ వ్రతానాము త్తమంవ్రతం,
ఈశ్వర ఉవాచ. ఆస్తి చాత్ర మహాభాగ గణనాథ ప్రపూజనమ్.
15. సర్వసమ్పత్కరం శ్రేష్టమాయుః కామార్గసిద్ధిదం,
మాసే భాద్రపద శుక్ల చతుర్థ్యాం వ్రతమాచరేత్ .
16. ప్రాతః స్నాత్వా శుచిర్భూత్వా నిత్యకర్మ సమాచరేత్ ,
స్వశక్త్యా గణనాథస్య స్వర్ణరౌప్యమథాకృతిమ్.
17. ఆథవా మృణ్మయం కుర్యాద్విత్తశాఠ్యం న కారయేత్ ,
స్వగృహస్యోత్తరే దేశే మణ్డపం కారయేత్తతః.
18. తన్మధ్యే౽ష్టదళం పద్మం యవైర్వా తణ్డులేన వా,
ప్రతిమాం తత్ర సంస్థాప్య పూజయిత్వా ప్రయత్నతః
19 . శ్వేతగన్ధాక్షతైః పుష్పైర్దూర్వాఙ్కురసమన్వితైః ,
ధూపైర్దీపైశ్చ నైవేద్యైర్మోదకైర్ఘృతపాచితైః
20. ఏకవింశతిసంఖ్యాని నారికేళఫలాన్యపి,
రంభాజమ్బుకపిత్థౌఘానిక్షుఖణ్డాంశ్చతావతః.
21. ఏవమన్యఫలావూపైర్నైవేద్యం కారయేత్సుత,
నృత్తగీతైశ్చవాద్యైశ్చ పురాణపఠనాదిభిః.
22. తర్పయేద్గణనాథం చ విప్రాన్ దానేన శ్రోత్రియాన్,
బంధుభిః స్వజనైః సార్థం భుంజీయాత్తైలవర్జితమ్.
23. ఏవం యః కురుతే మర్త్యో గణనాథ ప్రసాదతః,
సిద్ధ్యన్తి సర్వకార్యాణి నాత్ర కార్యా విచారణా.
24. తతః ప్రభాతే విమలే పునఃపూజాంసమాచరేత్,
మౌంజీం కృష్ణాజినం దణ్డముపవీతం కమణ్డలుమ్,
25. పరిధానం తథా దద్యాద్యథావిభవముత్తమం,
ఉపాయనం తతో దద్యాదాచార్యాయ స్వశక్తితః.
26. అన్యేభ్యో దక్షిణాం దద్యాద్బ్రాహ్మణాన్ భోజయేత్తతః,
త్రైలోక్యేవిశ్రుతం చైతద్వ్రతానాముత్తమోత్తమమ్.
27. అన్యైశ్చ దేవమునిభిర్గన్దర్వైః కిన్నరైస్తథా ,
చీర్ణమేతద్వ్రతం సర్వై: పురాకల్పే
