________________
73/ G73 (5) అట్లు పదవియందు కొనసాగుట నుండి విరమించు ఎవరేని సభ్యుడు,
(ఎ) అట్లు పదవియందు కొనసాగుట నుండి విరమించు తేదీ నుండి రెండు సంవత్సరముల కాలావధి వరకు ఏదేని వాణిజ్యపరమైన ఉపాధిని స్వీకరించరాదు; మరియు
(బి) ఏ రీతిలోను కేంద్ర కమీషను లేక ఏదేని రాజ్య కమీషను సమక్షమున ఎవరేని వ్యక్తికి ప్రాతినిధ్యము వహించగాదు.
విశదీకరణము: ఈ ఉప-పరిచ్ఛేదపు ప్రయోజనముల నిమిత్తము "వాణిజ్యపరమైన ఉపాధి" అనగా, సముచిత కమీషను సమక్షమున గల ప్రొసీడింగులకు పక్షకారులైన ఏదేని వ్యవస్థలో లేక ఏదేని హోదాలో ఉపాధి, లేక విద్యుచ్ఛక్తి పరిశ్రమలోని వర్తక, వాణిజ్య, పారిశ్రామిక లేక విత్తీయ కార్యకలాపములలో నిమగ్నమైన వ్యక్తి క్రింద లేక ఏజెన్సీలో ఏదేని హోదాలో ఉపాధి అని అర్ధము మరియు ఇందులో కంపెనీ డైరెక్టరు, ఫర్ము యొక్క భాగస్వామి లేక స్వయముగాగాని, లేక ఫర్ము యొక్క భాగస్వామిగా గాని లేక సలహాదారుగాగాని లేక ఒక సంప్రదింపుదారుగా గాని ప్రాక్టీసు చేయుట చేరియుండును.
90.(1) ఈ పరిచ్ఛేదపు నిబంధనలననుసరించిననే తప్ప ఏ సభ్యునిగాని, పదవి నుండి తొలగించరాదు.
(2) కేంద్ర కమీషను యొక్క సభ్యుని విషయములో కేంద్రప్రభుత్వము, రాజ్య కమీషను యొక్క సభ్యుని విషయములో రాజ్య ప్రభుత్వము, ఎవరేని సభ్యుని అతని పదవి నుండి ఉత్తర్వు ద్వారా తొలగించవచ్చును, అయితే అతను,
(ఎ) దీవాలాదారునిగా న్యాయ నిర్ణయము చేయబడినచో;
(బి) సముచిత ప్రభుత్వ అభిప్రాయములో నీతిబాహ్యతతో కూడియున్న కారణంగా ఏదేని అపరాధమునకు దోష స్టాషితుడైనచో;
(సి) శారీరకంగాగాని లేక, మానసికంగాగాని, సభ్యుడుగా కొనసాగుటకు అసమర్ధుడైనచో;
డి) అట్టి విత్తీయ లేక ఇతర హితమును ఆర్జించుట వలన సభ్యునిగా అతని కృత్యములకు భంగము వాటిల్లినచో;
(ఇ) అతను పదవిని అట్లు దుర్వినియొగపరచుట అతను పదవిలో కొనసాగింపునకు ప్రజాహితము దృష్ట్యా భంగకరమైనచో; లేక
(ఎఫ్) నిరూపించబడిన దుర్వర్తనాదోషి అయినచో;
