అట్టిజీవన్ముక్తుండు కాలవశంబునం దనశరీరంబు విడిచి జీవాత్మస్వరూ
పంబు వెడలి పరమాత్మయందుఁ బొందు నది విదేహముక్తి యనం
బడు; నప్పరమాత్మ యెట్టి దనిన, జీవస్వరూపం బగుచిత్తునకుఁ జైత్యో
న్ముఖత్వంబు గలుగునప్పుడ యది చిన్మయంబును నమలంబును శాంతం
బును నగుపరమాత్మస్వరూపం బని యాకాశజోపాఖ్యానంబు బహు
ప్రకారంబుల సవిస్తరంబుగా నెఱింగించి, వసిష్ణుండు రామచంద్రుం
గనుంగొని ‘యీయాఖ్యానంబునందుఁ బరమాత్మ మాయామనో
రూపం బై జగత్తుల సృజయించుట వర్ణింపఁబడియె; నింక నమ్మా
యకు బహుదుర్ఘటహేతుత్వంబును, జగత్తునకు మాయికత్వంబును,
విదితం బగులీలోపాఖ్యానం బెఱింగించెద సావధానుండ వై విను
మ’ ని యిట్లనియె.
