పుట:వాసిష్ఠరామాయణము (మడికి సింగన).pdf/36

వికీసోర్స్ నుండి
ఈ పుట అచ్చుదిద్దబడ్డది

వాసిష్ఠరామాయణము

ద్వితీయాశ్వాసము


క.

శ్రీమదహోబలపట్టణ
ధామ మహోద్దామచక్రదారితదనుజ
స్తోమ భవభీమ భక్త
క్షేమంకర విదళితాంహ శ్రీనరసింహా.

1


ఉత్పత్తిప్రకరణము

వ.

దేవా సకలతత్త్వార్థవివేకి యగు వాల్మీకి భరద్వాజున కి ట్లనియె.
అట్లు ముముక్షుప్రకరణం బెఱింగించి వసిష్ఠుండు రామచంద్రుం
గనుంగొని – సకలజగ దుత్పత్తి స్థితి లయ కారణంబు మనం బని
చెప్పంబడు, నీయర్థంబున కొక్కనిదర్శనంబు గల దాకర్ణిం
పుము; అని యిట్లనియె.

2


సీ.

పరఁగ నుత్పత్తిప్రకరణం బెఱింగింతు;
        నాకాశజంబు లీలాఖ్యకంబు
తనరు కర్కటియు నై తర్వాతఁ గృత్రిమేం
        ద్రము చిత్తజాఖ్యానకమును శాంబ
కంబును మఱి లవణంబును సప్తభూ
        ములు వన నితిహాసములును గలుగు
నందు నాకాశజాఖ్యానంబు మొదలనే
        బోధ్యరూపము సూక్ష్మముగ వచించి


గీ.

పిదప విస్పష్ట మొనరింతు నదియుఁ దెలియ
వినుము ప్రతిపత్తియును భూతివేదనంబు