Jump to content

పుట:రామేశ్వరమాహాత్మ్యము (ఏనుగు లక్ష్మణకవి).pdf/86

వికీసోర్స్ నుండి
ఈ పుట అచ్చుదిద్దబడ్డది


క.⁠

మానవుఁ డివ్విధమున న
జ్ఞానంబున వనటఁ జెందు సంతత మయ్య
జ్ఞానము దొలఁగిన నుత్తమ
మైనమహాసుఖముఁ జెందు ననిలతనూజా.

⁠ 24


క.⁠

జ్ఞానమువలనం జెడు న
జ్ఞానము కర్మమునఁ జెడదు జ్ఞానము నబ్ర
జ్ఞానిలయపరబ్రహ్మ
జ్ఞానము వేదాంతవాక్యజనితంబు సుమీ.

⁠ 25


గీ.⁠

అట్టియెరుక విరక్తుఁ డౌ నట్టిమాన
వునకు నుదయించుఁ గాని యన్యునకుఁ గాదు
జగతి ముఖ్యాధికారికి సంభవించు
జ్ఞానవిభవంబు గురునిబ్రసాదమహిమ.

⁠ 26


గీ.⁠

అంతరంగస్థితములు కామాదు లెపుడు
విడుచు మానవుఁ డాత్మసంవేది యగుచు
నపుడు బ్రహస్వరూపుఁ డై యమరు నతఁడు
శాంతమానస వినుము కేసరికుమార.

⁠ 27


క.⁠

మేలుకొనునతని నిద్రా
శీలుని భజియించునతని సితుఁ డగువానిం
బాలిశు నున్మత్తుం గల
కాలముఁ జేకొనుచునుండుఁ గాలుఁడు జనులన్.

⁠ 28


గీ.⁠

నిశ్చయము సంక్షయాంతముల్ నిచయములు స
ముఛ్రయంబులు పతనాంతములు దలంప
నరయ సంయోగములు వియోగాంతము లగు
జీవితము మరణాంతంబు సిద్ధ మనఘ.

⁠ 29


క.⁠

పతనమునకంటె ఫలసం
తతులకుఁ బెరచోట భయము దగలనికరణిన్

⁠