పుట:రామేశ్వరమాహాత్మ్యము (ఏనుగు లక్ష్మణకవి).pdf/74

సీ.⁠

అంత రాఘవుఁడు సంయమిపుంగవులకు సా         ష్టాంగప్రణామంబు లాచరించి సమధికభక్తి నంజలిపుటంబు ఘటించి         యి ట్లని పల్కె మునీంద్రులార సంశుద్ధికై సర్వజనసంఘముల కేను         బ్రాప్యుఁడ మద్దృష్టిపథముఁ జేరు జంతువు మోక్షభాజనము సందియము లే         దైవనిచ్చెలు నిరహంకృతులను

⁠

గీ.⁠

స్వాత్మలాభసంతుష్టుల నధికశాంత చిత్తులను సర్వభూతసుహృత్తములను దాంతులను విప్రులను సర్వదా భజింతుఁ బ్రేమ మిగురొత్త బ్రాహ్మణప్రియులు నగుట.

⁠ 151

క.⁠

మి మ్మొక్కటి యడిగెదఁ జి త్తమ్ములఁ జింతించి నిశ్చితము జేసి గతా హమ్మతులార వచింపుఁడు సమ్మదమున నాకు మీరు సౌహార్ధ్రమునన్.

⁠ 152

గీ.⁠

పఙ్క్తికంధరవధమునఁ బాప మెద్ది గలిగె నాయందు నమ్మహాకలుషమునకు నిష్కృతి వచింపుఁ డెద్దాని నే నొనర్చి పాపముక్తుఁడఁ నగుదు నో భవ్యులార.

⁠ 153

వ.⁠

అని యడిగిన నమ్మహాత్మున కమ్మహామును లి ట్లనిరి.

⁠ 154

గీ.⁠

నిత్యసత్యవ్రతాచార నిగమవినుత లోకరక్షాధురంధర లోకనాథ కలుషసంహార లోకోపకారముగ శి వార్చనము సేయు మంబుజాతాయతాక్ష.

⁠ 155

ఉ.⁠

ఏపున గంధమాదనమహీధరశృంగమునందు లింగసం స్థాపన మాచరింపు దురితవ్రజశాంతికి లోకసంగ్రహ

⁠