పుట:రామేశ్వరమాహాత్మ్యము (ఏనుగు లక్ష్మణకవి).pdf/60

⁠

న్వెరువక సీత నీయక యనీతికిఁ జొచ్చె దశాస్యుఁ డంచు నే డ్తెరరుషఁ బూనెనో యనఁగఁ దిగ్మకరుండు వహించె రక్తిమన్.

⁠ 79

సీ.⁠

మహనీయత్రిభువనమధ్యస్థశాఖితా         పసమస్తకములకుఁ బల్లజడలు తారకాపథభద్రదంతావళమునకు         నపనవరక్తరాంకవపటములు యాధోధిరాజమహారణ్యరేఖకు         లసమానకోమలకిసలయములు నిఖిలహరిత్పురంధ్రీలలాటములకు         సింధూరధాతువిశేషకంబు

⁠

గీ.⁠

లగుచుఁ గింశుకముకుళరక్తాబ్జబంధు జీవకంకేళికుసుమరుచిప్రబంధ బాంధవము లైనవృద్ధప్రభాకరారు ణాతపములు దనర్చె నయ్యవసరమున.

⁠ 80

శా.⁠

ఘోరాపారగభీర మైనజలధిం గోదండముక్తోజ్వల క్రూరాస్త్రంబుల నింకఁజేసి యిదె కాకుత్స్థుండు లంకేశసం హారేచ్ఛం జనుదెంచె మీకు నిఁక సౌఖ్యం బంచు లోకాళి కిం పారం జెప్పఁగ నేగె నాఁ జనియె ఛాయానాథుఁ డస్తాద్రికిన్.

⁠ 81

గీ.⁠

జరఠదినకరపశ్చిమజలధిపతన సమయతద్దీప్తిహరణార్థజలవినిర్గ తౌరదుర్వారకీలంబు లనఁగ నంబ రమునఁ గనుపట్టె నవసాంధ్యరాగరుచులు.

⁠ 82

చ.⁠

అగణితవీరవానరబలావృతుఁ డై విజిగీష రాముఁ డొ ప్పుగఁ జని లంకపై గవిసె భూరిరణం బగుఁ దోడు గావలెం దగినగతిం దశాస్యునకుఁ దారని యెల్లెడ నున్నరక్కసుల్ బిగువుగఁ గూడి వచ్చి రన భీషణవృత్తినిఁ గ్రమ్మెఁ జీఁకటుల్.

⁠ 83