పుట:రామేశ్వరమాహాత్మ్యము (ఏనుగు లక్ష్మణకవి).pdf/46

గీ.⁠

అవని రామేశశివభక్తు లైననరుల యందు నెవ్వారులకు భక్తి యమరియుండు వారు చూడరు భేద మేవంక నైనఁ జనరు దారుణసమవర్తిసదనమునకు.

⁠ 14

గీ.⁠

విప్రహత్యాసహస్రంబు విలయ మొందు మద్యపానాయుతంబులు మడసిపోవుఁ కాంచనస్తేయగురుతల్పగమనదోష లక్షలు నశించు రామేశువీక్షణమున.

⁠ 15

మత్తకోకిల.⁠

భూరిసంతతభోగలాభముఁ బూజ్యనిర్జరరాజ్యమున్ గోరుధీరులు చంద్రశేఖరు గూఢపాద్గుణకార్ముకున్ హీరవర్ణుని రామనాథమహేశ్వరున్ జగదీశు నోం కారమూర్తి నమస్కరింతురు గాఢనిశ్చలచిత్తు లై.

⁠ 16

సీ.⁠

ఉభయలోకముల నత్యూర్జితానందంబు         సతతరామేశ్వరస్మృతినిఁ గల్గు గోటిజన్మార్జితఘోరపాతకనివ         ర్తన మగురామేశుదర్శనమున నఖిలమానవవాంఛితార్థసంసిద్ధులు         గృప సేయు రామేశకీర్తనంబు శాశ్వతం బగురుద్రసాయుజ్యవిభవంబుఁ         పొందించు రామేశుపూజనంబు

⁠

గీ.⁠

దావవహ్ని విజృంభించి దారుతతులఁ గాల్చి పొడి సేయుకైవడి ఘనతరోగ్ర కలుషవిసర మశేషంబుఁ గడఁగి ద్రుంచు సిద్ధరామేశశివలింగసేవనంబు.

⁠ 17