పుట:రామేశ్వరమాహాత్మ్యము (ఏనుగు లక్ష్మణకవి).pdf/45

⁠

బ్రబలమైనట్టియమదూతభయము దొలఁగు నఖిలతీర్థాభిషేకపుణ్యము లభించు.

⁠ 7

క.⁠

శీరామేశ్వరలింగస మారాధన మాచరించుమనుజులు మనుజుల్ గారు మహేశ్వరమూర్తులు వారక మది సంశయంబు వల దియ్యెడలన్.

⁠ 8

గీ.⁠

హాళితోఁ దాను రామలింగార్చనంబు సేయఁ డెవ్వఁడు దురార్గశీలుఁ డగుచు వాఁడు పెక్కేండ్లు దరిలేని వనటఁ జెందు ఘోరగంభీరసంసారకూపమునను.

⁠ 9

ఉ.⁠

పూనిక రామచంద్రపరిపూజితు నవ్యయు రామనాధు నీ శానునిఁ జూచు నెవ్వఁ డొకసారె తపోనిధులార వానికిన్ దానతపోధ్వరవ్రతవిధానము లేటికి నన్యదేవతా ధ్యానము లేటికిన్ వివిధధర్మము లేటికి కర్మ మేటికిన్.

⁠ 10

చ.⁠

శ్రుతిమయు రామనాథుఁ దనచూడ్కుల కింపుగ జూడఁ డేనరుం డతఁడు జడుండు మూఢుఁ డత డంధుఁ డతండు కరాంఘ్రివర్జితుం డతఁడు దరిద్రుఁ డాతఁ డురుజార్తుఁ డతండు ఖలుం డతండు త త్సుతధనధాన్యమందిరపశుప్రకరంబు నశించు నెంతయున్.

⁠ 11

ఉ.⁠

మానుగ దుర్లభం బయిన మానుషజన్మముఁ బూని భూమిలో మానవు లెవ్వరేని ఫణిమండనమండితు రామనాథుఁ బం చానను గాంచి మ్రొక్కి వినయంబునఁ బూజ లొనర్తు రాజనుల్ మౌనివరేణ్యులార నుతి మత్ప్రవరుల్ కృతకృత్యు లిద్ధరన్.

⁠ 12

గీ.⁠

రామనాథునిఁ ద్రిభువనస్వామిఁ దలఁచు వారలకుఁ బూజనము సేయువారలకును బద్మలోచనపద్మసంభవపురంద రాదిసురపూజనంబు నిరర్థకంబు.

⁠ 13