పుట:రామేశ్వరమాహాత్మ్యము (ఏనుగు లక్ష్మణకవి).pdf/149

⁠

ర్చింపుచు శాస్త్రవాదంబులు పరీక్షింపుచు పురాణేతిహాసకథ లి చ్చగింపును చంపూనాటకోదాహరణాదిచాటుప్రబంధంబు లా లోచింపుచు సంగీతమాధుర్యరసప్రవాహంబులం దేలుచు నృత్యగీ తిప్రకారంబులు విలోకించి మెచ్చుచు ప్రణతనరపాలులం గృపా శీతలకటాక్షవీక్షణంబులఁ జూచుచు సకలవిద్యాప్రసంగగోష్ఠీవి నోదంబుల నుల్లసిల్లుచు శంకరమహీవల్లభశేఖరుండు పేరోలగం బున్నసమయంబున.

⁠ 66

సీ.⁠

శార్డూలనఖములు చమరవాలంబులు         గోరోచనంబును జారపప్పు సెలవిండ్లు పీలిపువ్వులఝల్లులును జున్ను         జవ్వాదిపిల్లులు శారికలును కస్తూరిమృగములు కరటిదంతములును         నెరవైన డేగలు నెమ్మిపురులు వేణుముక్తాఫలశ్రేణులు పునుఁగును         కలితకాలాగరుఖండతతులు

⁠

గీ.⁠

మఱియు నరపులు గలుగు సమస్తశస్త వస్తువులు కాన్క లిచ్చి యవ్వసుమతీశ సింహు నొయ్యనఁ బొడగాంచి చెంచుదొరలు ముదము గదురంగ నట సాగి మ్రొక్కి రపుడు.

⁠ 67

ఆ.⁠

మ్రొక్కి లేచి కేలుమోడ్పు నెన్నొసల ఘ టించి పలికి రిట్లు చెంచుదొరలు సామి చిత్తగించు చక్కగా మాసేయు విన్నపంబు తప్పు లెన్న కీవు.

⁠ 68

క.⁠

నిసుగులు మేమును నీదయ ససి జొప్పడ నడవిఁ గడుపుచల్ల గదల కె

⁠