తృతీయాశ్వాసము 115
దానియురోజగౌరవము దానికడానిహోరంగుమేనిడాల్
దానికళాకలాపములు దానిమృదూక్తులు దానికే తగున్. 158
ఉ. చక్కఁదనాల కేమి రుచి సంపద కేమి మెఱుంగు కేమి పెం
పెక్కదె రాతిబొమ్మయెడ నెంతయు దానఁ బనేమి దానిపై
మక్కువ లెక్కుతక్కులును మాటలపిక్కులు సొక్కుమ్రొక్కు
దిక్కున నైనఁ గాని కలదే కళ దేఱఁగ నెంచి చూడఁగన్. 159
క. అని పలికి కలికితనమున
వెనుదీయక చేరి పోరు వెడవింటిదొరన్
గని కినుక దొణుక ననియెన్
వనజాక్షుఁడు వాని వానిబలముల నెల్లన్. 160
సీ. కలువలచెలికాడ కానీర నీకాఁక
సుందరీమణిమోముఁ జూచుదాఁక
మలయమారుత యేల మలసెదు నీరాక
సుదతియూర్పులు మేన సోఁకుదాఁక
మదకీరమా యేల పదరెదు నీవీఁక
పద్మాక్షి ననుజూచి పలుకుదాఁక
నెమలి యెందుకు వట్టిదుముకులు నీకేక
తొయ్యలినెరికురు ల్దువ్వుదాఁక
తే. పికమ నీకూఁక చెలిమాట వినెడుదాఁక
నంచ నీపోక సఖినడ ల్గాంచుదాఁక
తేఁటి నీజోక సతిచూపు నాటుదాఁక
మార నీఢాక నన్నింతి చేరుదాఁక. 161
తే. ఇంతలోననె నను మీర లింత చేరి
బారుదీరుక బలుకారుబారు సేయు
నాన దాళదె మీమీఁద నాన రేపె
బొమ్మ గట్టద చక్కెరబొమ్మఁ జేరి. 162
