112 రాధికాసాంత్వనము
జెలియలివావి యై చెలు వొందువృష నెంతొ
తొడరినయినున కే దోస మొదవె
మనుమరా లైనగంగను గూడి వెలసిన
మున్నీటిరాయఁ డే వన్నె దొరఁగె
తే. నెనసి మఱదండ్ర మరుకేళి నెనసినట్టి
వ్యాసునంతటిముని కేమి వాసి తగ్గె
వావి గా దంటి వౌ రౌర వార లెల్ల
నీవు నేర్చిననీతులు నేర రేమొ. 144
తే. హరికి భూకాంత దా వావి నత్త గాదొ
అలపురారికి గంగ మేనత్త గాదొ
హరిహయున కహల్యాసతి యత్త గాదొ
వా రెఱుంగరొ నీపాటివారు కారొ. 145
తే. రాముకంటెను జానకీరామ పెద్ద
కాంతుకంటెను రేవతీకాంత పెద్ద
రమణుకంటెను గేళినీరమణి పెద్ద
పెద్ద దంటి వీవే పిన్న పెద్ద వౌర. 146
తే. రామ గా దది సుగుణాభిరామ గాని
నారి గా దది మరువింటినారి గాని
కొమ్మ గా దది సంపంగికొమ్మ గాని
గుమ్మ గా దది ముద్దు గుమ్మ గాని. 147
సీ. మగతేఁటిగఱులకు మగువముంగురులకు
నేనాటి స్నేహమో యెఱుఁగరాదు
అలచందమామకుఁ జెలియనెమ్మోమున
కేమి దాంపత్యమో యెఱుఁగరాదు
కపురంపుతావికిఁ గలికికెమ్మోవికి
నేయానుకూల్యమో యెఱుఁగరాదు
