110 రాధికాసాంత్వనము
వికచాబ్దపనులను విమలాద్రిమణులను
గనులచేఁ జనులచే ఘన మడంచి
యద్దంపుటెక్కుల హలరాజునిక్కులఁ
జెక్కుచే ముక్కుచేఁ జక్కడంచి
తే. మురు వలరుకొమ్మ వలపులముద్దుగుమ్మ
కమ్మసంపంగికొమ్మ బంగారుబొమ్మ
వలచుగొజ్జంగితెమ్మ మర్వంపురెమ్మ
నెపుడు గన నేర్తు నందాఁక నెట్టులోర్తు. 135
క. నాగముల నేలుఁ గుచములు
నాగంబుల నేలు నడలు నాభిబిలము పు
న్నాగముల నేలు ననుచో
నాగాశ్రయు నేలు టరుదె నాతి దలంపన్. 136
తే. చాన మోమంద మెల్ల లోచనమయంబు
కొమ్మ ఱొమ్మంద మెల్లను గుచమయంబు
కలికి వెన్నంద మెల్లను గటిమయంబు
గాన దానికి సాటి జగానఁ గాన. 137
సీ. జలజాక్షి లావణ్యసరసి గా కున్నచోఁ
జనుదమ్మిమొగ్గలం దొనర నేల
ననబోణి శృంగారవనము గా కున్నచో
లలితోరుకదళిక లలర నేల
పల్లవాధర మోహపల్లి గా కున్నచో
భ్రమరకశ్రీలచేఁ బ్రబల నేల
వెలది మన్మథునిచేవిల్లు గా కున్నచో
జిగిచూపుతూపులు చెలఁగ నేల
తే. కలికి నెలరేక గా కున్నఁ గళలు గులికి
తారకాహృద్యమై చాలఁ దనర నేల
