పుట:రాజశేఖరవిలాసము (కూచిమంచి తిమ్మన).pdf/43

⁠

బ్రేమ భుజించురీతిఁ గడుఁబెద్దయొడల్ గల యుష్ట్ర మేక్రియం దా మెసఁగంగ నేర్చు? విదితంబుగ నిశ్చలుఁడైన భక్తు న ట్లామినువాఁకఁ దాల్పువిధ మబ్జభవుండు నెఱుంగనేర్చునే?

⁠

ఉ⁠

తొల్లి గుణాఢ్యుఁడైన చిరితొండఁడు వేడ్కను శైలరాట్సుతా వల్లభుఁ గొల్చియాత్మజునివంచన లేక వధించి భక్తి రం జిల్లఁగఁ బాక మర్పణము చేసి నిరంతరకీర్తిమంతుఁడై యెల్లజగజ్జనం బెఱుఁగ నీశ్వరసత్కృపఁ జెందఁడే తగన్?

⁠

క⁠

కావున నీ వత్తెఱఁగున | భావజమదహరునిచరణపద్మంబులు స ద్భావమునఁ గొల్వు మిఁక నా | దేవుఁడు గరుణించి యొసఁగు దివ్యపదంబున్.

⁠

వ.⁠

అనుటయు మునీంద్రునకు నరేంద్రుం డిట్లనియె.

⁠

సీ⁠

తాపసోత్తమ! ధరాధరకన్యకాధీశుఁ డనిశంబు చాంచలికునివిధమున జగదుద్భవస్థితిసంహారకరుఁడును సకలభూతాంతరస్థాయి యగుచుఁ గర్తయు భోక్తయు గణుతింపఁ దానయై వర్తించుఁగా కెట్లు నేర్తు రొరులు? కావున నద్దేవుకరుణాకటాక్షవీక్షణముచే వ్రత మెట్లు జరుగఁగలదొ? కాక మముబోంట్ల కిది పూనఁగాఁ దరంబె? యనుచు వినయంబు మీర మేలైనయట్టి కట్ణము లొసంగుటయు మౌని కౌతుకంబు |మదిని దైవారవికసితవదనుఁ డగుచు.

⁠

క.⁠

వీణియ సుతిఁ గూర్చి జగ | త్ప్రాణాశనధరునిమహిమఁ బాడఁగ విని భ ల్లాణుఁడు మదిఁ జొక్కుచు గీ | ర్వాణమునీంద్రుని నుతించె రభసముతోడన్.

⁠

వ.⁠

ఇవ్విధంబున నారదుం డవ్వసుంధరావల్లభుం డొసంగుపూజలఁ గైకొని యనేకాశీర్వ చనంబు లొసంగి యతనిచేత నాజ్ఞవడసి తద్వృత్తాంతం బీశ్వరుని కెఱింగించువాఁడై చనుచుఁ దనమనంబున.

⁠

సీ.⁠

చిలువలదొర మంచివిలువమించినసొమ్ము సొగసైనసిగపువ్వు తొగలఱేఁడు పొలుపుగుల్కినయాలపోతు చొక్కపుజక్కి పరగునేనిగతోలు పట్టుశాలు తెలిపక్కి బలురౌతు తలపుడ్క పళ్ళెంబు బాగైనయవ్వినం బోగిరంబు వణకుగుబ్బలిపట్టి వలపులయిల్లాలు మొగములారిటిమేటి ముద్దుకొడుకు సరవిఁజిక్కులయెకిమీడు సంగడీఁడు | పసిఁడిమల విల్లు వెన్నుండు పొనఁగునమ్ము కడలిదొనపాము నారియుఁ బుడమి తేరు | గాఁగఁ జెలువొందు ముక్కంటిఁ గొలుతు మదిని.

⁠

వ.⁠

అని మహేశ్వరధ్యానంబు సేయుచు.

⁠