పుట:రాజశేఖరచరిత్రము (మాదయగారి మల్లన్న).pdf/79

వికీసోర్స్ నుండి
ఈ పుట అచ్చుదిద్దబడ్డది

తృతీయాశ్వాసము

75


యారాజసర్వజ్ఞు నభిరామగుణములు
                       వీనులు చల్లఁగా విందు నొక్కొ
యామానినీమన్మథాకారు బిగి యారు
                       కౌఁగిట నుండంగఁ గాంతు నొక్కొ
యామేరునగధీరుతో ముచ్చటలు దీపి
                       సరససల్లాపంబు దొరకు నోక్కొ.


గీ.

యాకళాపూర్ణిమాచంద్రు నాసమగ్ర
భోగదేవేంద్రు వరియించి పొంది పొసఁగి
కొలఁది యిడరాని కోర్కులఁ గలిసి మెలసి
నిలువఁ గలుగుట యది జన్మఫలము గాదె.

97


ఉ.

అవ్వల నుండునో కడచి యవ్విభుఁ డవ్వలి కెందుఁ బోవునో
యెవ్వరిఁ బంపుదున్ దెలియ హెచ్చిన మచ్చిక పిచ్చలింపఁగా
నెవ్విధి నిల్చు దాన మది నెట్టు భరింపుదు నివ్వటిల్లు నీ
నెవ్వగ నెవ్వగం గడవ నేరుతు నెద్ది యుపాయ మింకిటన్.

98


చ.

చెలులకు నామనోరథము చెప్పిన నేమని గేలిఁ బుత్తురో
తలఁకెడు నామనంబుఁ గని తల్లియుఁ దండ్రియు బుద్ధి నేమిగాఁ
దలఁతురొ రాజకన్యకల ధర్మము గా దిది యంచు బంధువుల్
పలుచన గాఁగఁ జూతు రొకొ పాయపుఁ గోరిక లేమి చేయుదున్.

99


చ.

తలఁపున నాథునిం గలసి తా నది నిక్కముగాఁ దలంచి మిం
చులఁ దులకించు మోవిపయి సోఁకిన కెంపులు గప్పి పుచ్చె నె
చ్చెలి మఱుపెట్టగాఁ దలచి చిత్రగతాబ్జము మూర్కొనంగ ని
చ్చలు గుఱిచేయు నవ్వికచసారసలోచన ప్రేమ మే మనన్.

100


అమ్మాడ్కి నేకతంబున
నుమ్మలికం బొగులుచున్న యువిదం గని యో
యమ్మ యిది మిగులఁ గ్రొత్తలు
పొమ్మని వెఱఁగంది యపుడు బోటులు తమలోన్.

101