పుట:రాజశేఖరచరిత్రము (మాదయగారి మల్లన్న).pdf/70

వికీసోర్స్ నుండి
ఈ పుట అచ్చుదిద్దబడ్డది

66

రాజశేఖరచరిత్రము


గీ.

లమున యమునానదీతీరలలితఫలిత
కాననాంతరసీమకుఁ గదలిపోయి
కాంత లిద్దఱు నచ్చట గలసి మెలసి
సంభ్రమంబునఁ బుష్పాపచయ మొనర్చి.

42


గీ.

వార లిరువురు నవ్వుచు వచ్చి చెంతం
జిగురుటాకుల మఱుపునఁ దగిలియున్న
యొక్కమంజరిఁ జూచి యొండొరులఁ గడవఁ
బాఱి యౌవనగర్వసంపదలకతన.

43


క.

ఇవ్విరి నాయది యనఁగా
నవ్వలియది తనది యనఁగ నది హేతువుగాఁ
గ్రొవ్విరి కొఱకై యిద్దఱు
జవ్వనులకు మాట మాట జగడం బగుటన్.

44


క.

తొల తొలఁగు తొలఁగు మనుచుం
దల తల తల మనుచు వట్టి దట్టతనఁబుల్
వలదు వల దనుచుఁ బల్కఁగఁ
గలకంఠుల కపుడు మిగులఁ గలహము ముదురన్.

45


ఉ.

కొప్పులు వీఁడగా బిగువుగుబ్బలు పల్మరు జారఁ బయ్యెదల్
గప్పుచు రత్నకంకణఝళంఝళనాదము మించ హాసముల్
త్రిప్పుచుఁ గౌను దీఁగెలు చలింపగ వేచని తోడివారితో
జెప్పుచు నద్దిరా యనుచుఁ జిట్టలు మీటుచు సందడింపుచున్.

46


క.

అయ్యిరువురిలో లతయను
తొయ్యలి కప్పువ్వుగుత్తి దొరకిన కతనన్
గయ్యమునకుఁ గాల్ద్రవ్వుచు
గయ్యాళితనంబు మీఱఁగా నిట్లనియెన్.

47


క.

తగ వెఱుఁగవు నగ వెఱుఁగవు
మొగమోటయు లేదు కొమ్మ మున్నుగ నాచే