పుట:రాజశేఖరచరిత్రము (మాదయగారి మల్లన్న).pdf/7

వికీసోర్స్ నుండి
ఈ పుట అచ్చుదిద్దబడ్డది

ప్రథమాశ్వాసము

3


విక్రమార్కోదగ్రవిక్రమక్రమకళల్
                       లెక్కచేయని శూరు లొక్కవంక
శేషాహిభాషావిశేషంబు మెచ్చక
                       యుండు విద్వద్బహ్మ లొక్కవంకఁ
గాళిదాసాదులఁ గవితాప్రగల్భత
                       నొరయు సత్కవివర్యు లొక్కవంక


గీ.

దాసమానక్రియానూనగానసరణి
వెలయు తుంబురు నారదాదుల గుఱించి
యుల్లసంబాడు గాయకు లొక్కవంక
మహిమఁ గొలువఁగ నప్పన మంత్రివరుఁడు.

11


క.

పేరోలగ ముండి కవి
త్వారూఢవిశేషగోష్ఠి నాలించుతమిన్
రారమ్మని ననుఁ బిలిచి సు
ధారసమధురోక్తిఁ బలికెఁ దద్దయఁఁ బ్రీతిన్.

12


ఉ.

శంకరపాదసేవనవశంపదమానస పంకజాతని
శృంకవచోవిలాస రుచిసారవినిర్జితపూర్ణపూర్ణిమై
ణాంక దురక్షరాననభయంకర శౌనకగోత్రపాత్ర య
య్యంకిపురాగ్రహారవిభవాకర మాదయ మల్లసత్కవీ.

13


క.

నీ విపుడు చెప్పఁదలఁచిన
భావరసోద్యన్మహాప్రబంధము నాపైఁ
గావింపు మంకితంబుగఁ
గోవిదహృదయప్రమోదగుంభితఫణితిన్.

14


వ.

అని సబహుమానంబుగాఁ గర్పూరతాంబూలానర్ఘ్యమణిమయాం
బరాదు లొసంగిన బ్రీతచేతస్కుండనై యంగీకరించి నా రచియిం
పం బూనిన యిమ్మహాప్రబంధంబునకు సారఘనసారప్రాయం
బగు నాయకుని వంశావతారం బభివర్ణించెద.

15