పుట:రాజశేఖరచరిత్రము (మాదయగారి మల్లన్న).pdf/49

ద్వితీయాశ్వాసము

45

క.⁠

వలమానమత్తమధుకర కలహంస క్రౌంచ బకనికాయ గరుత్మ త్కుల కలకలరవములఁ గొల కొల మనియెను నొక్క నిండుకొలఁకుం గనియెన్.

⁠ 121

గీ.⁠

గాంచి యవగాహనము చేసి కనకపంజ రాంతకీరంబుఁ దివిచి నీ రార్చి తెచ్చి చాల డస్సితిగా పథశ్రాంతి ననుచు నృపతి కరమున నెమ్మేను నిమిరి నిమిరి.

⁠ 122

క.⁠

ఱెక్కల తడి వోనార్చుచు నక్కునఁ గీల్కొలిపి ముద్దు లాడుచు మది పెం పెక్కిన వేడుక నందలి చక్కని హిమవారి చల్లి చల్లనినీడన్.

⁠ 123

క.⁠

విప్పుగల విధు శిలాస్థలి జిప్పిలి మకరందరసము చిలికెడు పువ్వుం జప్పరము క్రింద వైచిన కప్పురపుందిన్నెపై సుఖస్థితుఁ డగుచున్.

⁠ 124

క.⁠

భూదయితుఁ డప్పు డశనా యాదశ జగదేకమాత యభవుని యిల్లా లాదిమయోగిని యొసంగిన యాదివ్యమణిం దలంచు నంతటిలోనన్.

⁠ 125

సీ.⁠

కలికి బేడిస కూటు వలఁ దోలు జిగిగల                        కన్నుఁగవలఁ గాటుకలు ధరించి కొదమ తుమ్మెద యొప్పు నదలింపఁగల కప్పు                        గులుకు పెన్నిరికొప్పు లలవరించి జక్కవ కవఁగేరఁ జాలిన కుచకోర                        కముల ముక్తాహారసమితి దాల్చి

⁠