పుట:రాజశేఖరచరిత్రము (మాదయగారి మల్లన్న).pdf/15

ప్రథమాశ్వాసము

11

⁠

వర్ధితారామస్థలపరితోదారశాలికేదారంబులు సతతసన్నిహిత దర్పకకల్పితానల్పకనకమయవేదికలం బోలి మించ నంచితం బై యంగజహరశరీరంబును, నయోధ్యాపురంబునుం బోలి సదా రామాభిరామక్రీడావర్ణనీయం బై విష్ణువక్షస్స్థలంబును విమలాపగా జలంబును బోలి పద్మాలంకృతం బై నీతివిహారయోగ్యం బయ్యు ననీతి విహారయోగ్యం బై ఖండనవక్రమంబులు శాస్త్రంబులయంద శూన్యగృహంబులు చతురంగఫలకంబులయంద కార్శ్యంబులు కామినీమధ్యంబులయంద కాని తనయందు మెరయనీక యొప్పు నప్పు రంబున కధీశ్వరుండు.

⁠ 53

సీ.⁠

శ్రీసతి సీమంతసిందూరవేదిక                        కపటారి కాసారగంధకరటి గంభీరగుణకథాకలశపాథోరాశి                        సాతత్యసత్యవిశ్రమణసీమ సకలబాంధవకలాపికలాపనీరదం                        బుదితాఘధరణిబృద్భిధురపాణి నిజకీర్తివల్లరీనీరంధ్రదిగ్వీథి                        కవికుటుంబత్రాణకల్పశాఖి

⁠

గీ.⁠

సజ్జనానూన కరుణారసప్రవర్తి భూజనాత్యంతసంస్తుత్యపుణ్యమూర్తి కామినీలోకహృద్వశీకరణపుష్ప ధన్వుఁడన నొప్పు నా హేమధన్వనృపతి.

⁠ 54

మ.⁠

అతఁ డుత్తుంగతురంగధాటి రభసుం డై విద్విషన్మండలీ నతపైదాంబుజుఁడై యయాతి రఘు మాంధాతృ ప్రభావప్రభా న్వితుఁడై తాల్చె నశేషభూభరము కంఠే కాలకంఠస్థల స్థితిసంభావితసంభ్రమభ్రమితుఁడై శేషాహి చెల్లాడఁగన్.

⁠ 55

క.⁠

కనికరము మోడ్చు పగరం గనికరమునఁ బ్రోచు లేక కలహించెద నే

⁠