పుట:రాజశేఖరచరిత్రము (మాదయగారి మల్లన్న).pdf/13

ప్రథమాశ్వాసము

9

క.⁠

శీలవదాళి విధాతకు సాళువ తిమ్మప్రధాన జామాతకు ను ద్వేలస్పర్శనవిజిత త్రైలోక్యచరాచరప్రదాతకుఁ బ్రీతిన్.

⁠ 42

వ.⁠

అభ్యుదయపరంపరాభివృద్ధిగా నాయొనర్పంబూనిన యిమ్మహాప్రబం ధంబునకుం బ్రధానకారణంబగు నావంచికపురం బెట్టిదనిన.

⁠ 43

కథాప్రారంభము

.

సీ.⁠

సౌధచరద్వధూజనదర్పణీభవ                        ద్దివ్యలోకస్రవంతీజలంబు రజతవప్రస్థాణుగజచర్మశాటీభ                        వత్పరిఘావారివలయితంబు శాతమన్యవశిలాస్థగితకాంచీదామ                        భాసురోపవనాళిపరివృతంబు పౌరప్రతాపవిభ్రాంతికృత్కుట్టిమ                        స్థలశోణమణిరుచిస్థపుటితంబు

⁠

గీ.⁠

బహువిధామోదమోదితభసలకలభ విసరవిసృమరఝంకారవేణునినద సరసగాయకగానప్రసంగసౌఖ్య కరణకరమగు నావంచికాఖ్యపురము.

⁠ 44

శా.⁠

నీడల్పాఱు పసిండిమేడలపయిన్ నీలాలకల్ పుట్టచెం డాడం దాఁకిన కందుగాని శశియం దంకంబు గా దంచు వా దాడన్ వచ్చిన యంకకానికిఁ దదీయాశంకతో వీటిపెన్ బ్రోడల్ తోడ్కొనిపోయి చూపుదురు తన్నూత్నక్రియాకేళికల్.

⁠ 45

ఉ.⁠

వారణవారకర్ణపుటవాతకిశోరవిసారసారక ర్పూరపరాగముల్ నెఱియుఁ బో పురవీథులఁ దారతార ము క్తారమణీయమంటపవితానవినిర్గతకాంతి వాహినీ పూరములోపలం గలయఁ బొల్చు వినిర్మలవాలుకాకృతిన్.

⁠ 46