పుట:రాజశేఖరచరిత్రము (మాదయగారి మల్లన్న).pdf/10

6

రాజశేఖరచరిత్రము

⁠

వితరణస్థితిఁ గొంత ప్రతివచ్చు మేఘుండు                        చపలానుషంగంబు సడలెనేని భోగసంపదఁ గొంత పురుడింపఁ దగు నింద్రుఁ                        (బాకారి) యనుపేరఁ బరఁగఁడేని సౌందర్యమునఁ గొంత సరివత్తు రాశ్వినే                        యులు భేషజంబూని యుండరేని

⁠

గీ.⁠

కొంత యెనవచ్చు గాంభీర్యగుణమునందు నంబుధిస్వామి యొకవేళ నడఁగఁడేని యనఁగ సర్వగుణఖ్యాతి నతిశయిల్లె మానధనరాశి గోపన మంత్రివరుఁడు.

⁠ 28

క.⁠

ఆయనుఁగుందమ్ముఁడు విన యాయతమతిఁ గొల్వ నప్పనార్యుఁడు నతఁడున్ బాయక యన్యోన్య ప్రియు లై యలరిరి రామలక్ష్మణాకృతు లగుచున్.

⁠ 29

క.⁠

ఆయప్పమంత్రిగుణములు వేయితెఱంగులఁ జెలంగి వినుతి యొనర్పన్ డాయఁగఁ గాకోదరకుల నాయకునకుఁ గాక కవిజనంబుల తరమే.

⁠ 30

సీ.⁠

నిజకీర్తిజలధికు న్నిద్రగుణస్ఫూర్తి                        నిత్యపూర్ణేందుగా నిలిపినాఁడు కరహేతి పరశిరఃకమ్రకిరీటాగ్ర                        పీఠులపై వాడిఁ బెట్టినాఁడు ధరదాల్ప హరిదంతదంతిసంతానంబు                        మూలకు ముట్టఁగాఁ దోలినాఁడు వాచానిరూఢిగర్వము చూప వచ్చిన                        శేషాహినాలుకల్ చీరినాఁడు

⁠