పుట:రాఘవపాండవీయము (పింగళి సూరన).pdf/273

రామ. విమాక్తికీకృతములైన విరోధివధూకుచములు గలవాఁడా! కుంభకర్ణ - సంబుద్ధి. తత్ = ఆమునుపటిదైన, దశ = అవస్థచేత. నిద్రచేత ననుట. వాసరంబు లూరక చనఁజేసితివి. కడమ సరి.

చ.⁠

నరుఁ డని లెక్క సేయఁడు మనంబున శాత్రవు నమ్మహాత్ముచే యురణముఁ బెక్కుచోట్లఁ గనియున్ మననాయకుఁ డేమి చెప్ప ని ద్దురమును మున్నుగాఁ దెలిపి తోడుగ ని న్నెటులైనఁ దేక యి ట్లరికృతభీష్మహాని ననయంబును దుర్బలుఁ డయ్యె నక్కటా.

⁠ 193

రామ. నరుఁడని = మనుష్యుఁడని, మననాయకుఁడు = రావణుఁడు, నిద్దుర = నిద్రను, మునుమున్నుగాఁ దెలిపి, భీష్మ = భయంకరమైన, హానిచేత. కడమ సులభము.

భారత. నరుఁడు = అర్జునుఁడు, అనిన్ = యుద్ధమందు, శాత్రవుని లెక్కసేయఁడు = ఎటువంటి శత్రువునైనఁ దృణీకరించుననుట. మననాయకుఁడు = దుర్యోధనుఁడు, ఇద్దురమును = ఈయుద్ధమును, మున్నుగాఁ దెలిపి ని న్నెటులైన, యుద్ధమునకుఁ దోడుకరాక, భీష్మునియొక్క హానిచేత దుర్బలుఁ డయ్యెను. కడమ సరి.

వ.⁠

అని మఱియుం దమదొరలచావు లుగ్గడించి యివి యన్నియు మన ప్రభువునకుఁ బ్రభవించుట నీయనాదరంబునంజేసి కాక నీవు గావల యునని యొనర్చిన ననిమిషులకయిన ననివార్యంబుగాదె యని ప్రస్తు తించుచుఁ బరివేష్టించి యుత్సాహంబు దీపింపం జేయఁ బెంపొంది యమందవిక్రమంబున నెందును నెదురు లేక యాకడిందిజోదు పరబలం బుల నేలంగలపుచు బలుపు పొలుపు గెలుపుచుండె నప్పుడు.

⁠ 194

రెంటికి సరి సులభము.

సీ.⁠

ప్రత్యర్థిభద్రవారణఘటోత్కచలస            త్కంఠీరవమురీతిఁ గడుఁ బొదలెడు నీవీరుఁ గుదియించి కావుము మనసేన            ననుహరిసార్థవాక్యములు రవిజుఁ దలపడఁ దెలుపునఁ తన యానిశాటుఁ డం            గదధర్మనందన గంధవహజ నాసత్యసుతచమూనాథాదికపులక            స్ఫూర్తికారణ మైన పొలుపుతోడ

⁠

తే.⁠

దివసనాయకుపట్టిపైఁ గవిసి తత్ప్ర హారయత్నంబు వైఫల్య మందఁజేసి

⁠