ఈ పుట ఆమోదించబడ్డది
రమ్యా లోకము
1
మూడుకోట్ల జీవత్కంఠముల అహర్ని
శల్ ప్రతిధ్వనించుచు, ఈ విశాల సుంద
రాంధ్రభూనభోంతర పరివ్యాప్తమయిన
అమృతశబ్దావతారము నాశ్రయింతు !
నన్నయాక్షర రమ్య ప్రసన్న ఫణితి
సోమయాజి అధోన్ముక్త సునిశితో క్తి
పొదివి పోషింప, సర్వతోముఖ వికాస
భాసురంబైన కావ్య సౌభాగ్యమెంతు !
శోభలెగయు తారకల రాసులకు నడుమ
దర్శనీయమౌ క్షీరపథంబు పగిది;
దేశభాషా ప్రవాహ వీథికలలోన
తెనుగుపాయ రంజిలు తేనె తొనుకులాడ.
