ఈ పుట ఆమోదించబడ్డది
5
మండు టెండలన్ కాలి, అఖండ వర్ష
పాతముల బడి బ్రద్దలై, పంకసంకు
లంబయి, అతల కుతలమై, లవము విసువు
నొంద దీ పృథివీదేవి, యోర్పదెంతొ !
కుమిలి క్రుళ్ళిన వస్తుచయము గ్రసించి
సుభగభూతిగా మార్చు నీ శుద్ధమూర్తి,
వక్షమున దాల్చి కొండల బరువుమోయు
కడుపుగోయు నాపగలను గారవించు.
ప్రాణులకు సరసాన్నముల్, వ్యాధులకు మ
హౌషధుల్, సుఖసాధన పోషణలకు
దివ్యఫలపుష్పఋతు కళా దృశ్యములు, స,
మృద్ధముగ నిచ్చుతల్లి నర్చింపరాదొ ?
15