పుట:యోగనిద్రా ప్రహసనము కందుకూరి వీరేశలింగం 1950.pdf/3

యోగనిద్రాప్రహసనము

- ఈనాటకమునందువచ్చు పాత్రములు -

మతిమంతుఁడు — యోగశాస్త్రాభ్యాసము చేయుచున్న యొక వృద్ధుఁడు

సుబలుఁడు - మతిమంతుని మేనల్లుఁడు

సదానందయోగి - భూతవైద్యము తెలిసినయోగి

గజాననదాసు - వైద్యుఁడు

రాముఁడు — మతిమంతుని సేవకుఁడు

సుమతి -- మతిమంతునికూఁతురు

గౌరి - మతిమంతుని యింటిదాసి

-----

రంగము -- మతిమంతుని యిల్లు.

[సుమతి ప్రవేశించుచున్నది]

సుమతి -- వొంటిరిగాకూర్చుంటే యేమీ తోచకుండావున్న ది. మాట్లాడడానికి వక్క రాముడుతప్ప మరియెవరూ కనపడరు. వాడు యెప్పుడూ యేదో సణుక్కుంటూవుంటాడు. నాన్నగారు యోగపు పిచ్చిలోపడి రాత్రీ పగలూ ముక్కుమూసుకుని కూర్చుంటూ పాత తాటాకుల పుస్తకాలు ముందు వేసికొని ఆకులు తిరగవేస్తూ రెండో ధ్యానంలేకుండా వున్నారు. ఆపిచ్చపుస్తకాలచేత ఆయనకు మతిపోతూ వున్నట్టున్నది. అదుగోయేదో చప్పుడవుతూ వున్నది. చూచి