ఈ పుట ఆమోదించబడ్డది
పరిచయము
'ఎడ్వర్డు ఫిట్సుగెరాల్డు ' అనే ఆంగ్లకవి ఉమరుకావ్యాన్ని
ఫార్షీనుండి ఆంగ్లభాషలోకి అనువదించి 1856 వ సంవత్సరం
ప్రకటించాడు. కొంతకాలంపరకూ ఆంగ్లపండితులూ, కళావేత్తలూ
దీన్ని అంతగా పాటించలేదు. మొదటి ముద్రణ ప్రతులు చెత్త
పుస్తకాలతో పాటు అణాకూ, రెండణాలకూ అమ్ముడు పోయినవి.
కాలక్ర మేణా, ఉమరుఖయాము ప్రతిభ ఫిట్సుగెరాల్డు అనువాదం
వల్లనే అన్ని దేశాలలోనూ వ్యాపించింది. అనేక భాషలలో ఉమరు
కావ్యం అవతరించింది. ఆంగ్లములోగూడ ఫిట్సు గెరాల్డు అను
వాదముకాక, ఇతరులవికూడా బయలుదేరినవి. ఫిట్సు గెరాల్డు
సైతము తన అనువాదాన్ని అనేక మార్పులుచేసి మూడు నాలుగు
సార్లు ప్రకటించాడు. ఇతరుల అనువాదాలు ఫార్షీ మూలమును
ఎక్కువగా అనుసరించడానికి యత్నించి ఉండవచ్చును ; కాని
కాలం గడిచినకొద్దీ, ఫిట్సు గెరాల్డు అనువాదమే గణనకెక్కింది,
ఎక్కుతున్నది గూడా. అందులోనూ, అతని మొదటి అనువాదమే
