ఈ పుట ఆమోదించబడ్డది
గృహము
జగము కంటెను స్వీయ గృహంబు ప్రియము
దానికన్న ప్రియతరంబు తన పురంబు,
అంతకంటెను ప్రియతమ మాత్మగృహము;
గృహముకంటెను సౌఖ్యంబు మహిని గలది ?
తల్లి యైనను చేయంగ నొల్లనట్టి
మేలు లెల్లను సమకూర్చఁ జాలు నిల్లు '
అనెడి లోకోక్తి ధారుణి నమరెఁ గానఁ
గృహముకంటెను సౌఖ్యంబు మహిని గలదె?
తనకు గ్రాసంబు లేకున్నఁ మనఁగవచ్చు.
కాని వాసంబు లేకున్న గడపరాదు'
అనెడి లోకోక్తి ధారుణి నమరెఁ గాన,
గృహముకంటెను సౌఖ్యంబు మహిని గలదె?